لا يا عين مانك صافية

لا يا عين مانك صافية
بعد العدو حتى الحـــبيب امجافية
لا وموش انتى
هذيك لاوله
شان الزمان وشــنتي
ما اتقول لعيون الغوالي كنتى
وان صار الخطا منهم امعاهم وافـية
غلاك راهنك وانتى أعزاز رهنتى
وراك رجلهم تمشي جريحة حافية
بعد العدو حتى اولافك هنتي
ونارك ونار الشوق صبــحت طــافية

" لا ويا عين مانك صافية "
لا و ايا عيــن ديما سارحة
لا لك زعل ظــــاهر و لانك فـــارحة
و لانك جريحة شوق لانك جارحة
و لانــــــك مريضة ، صايداتك عافية
وانتى قبل طرفك للغوالي طارحة
و بيك يفرحوا ساعة اتجيهم لافية
حتى اسبابك ليش مانك شارحة
الا كانهن عندك كواين خافية......؟

لا و يا عين مانك صافية
بعد العدو حتى الحـــبيب امجافية

" الشاعر : بـــشير شرمـــدو "