سرقه ونهب علي عينك يا تاااجر

مرتباات اعضااء المؤتمر الوطني العاام لا يقل علي 12000

هذه سسرقه عيني عينك

يكفى ان المجلس والحكووومه
ارهقو ميزاانيه الدووله
يأتي الان المؤتمر وينهب هو ايضاا

ايين الشعب من كل هذا الاهدار
اين الشعب من التترعااات التي يعطيهاا المجلس والمؤتمر هنا وهناالك واخرها كاانت سوريا قبل اياام قليله اعطيت المجلس السوري مالا يقل عن 6ونصف مليوون يورو

حااايسه يااوطن

اي انسان ياخذ اموال شخص او دولة بدون وجه حق تساحبيه يا مرام بيسلم بيهم راهو احني الليبيين شعب بسيط وطيب وحنين - ماناش مسامحين حد - ويصرفوهم كلهم على الدواء والعلاج - مايربحوش اي حد خذي مال موش ليه يتجازي عليه

شنو فيها 12000 د ل انت عارف ليلة الركسوس بكم
والا تبيهم يحكموك بالبلاش

غير انشوف شنو ايقدمونا و هل يستاهلو 12000 الف دينار
فية منهم الي ايقمعز على الكرسي و يثاوب طول الوقت و حتى كلمة ما ايقولها عليش خلوةيقعد في حوشة و عطوة راتب و نوفر حق ايقامتة في ريكسوس و نعطوها للاسر المحتاجة ان تاكل

امر يحتاج الى مراجعه

شن تحسابوا السكوت ساهل حتى هو يساوموا عليه -= مرات فيها تفاوض ومساوامة واتفاق انت لما اني نطرح موضوع انت ما تناقشش وما تقولش غلط- يا سيدي على الاقل اسكت واصمت - اذن الصمت والسكوت بثمن احيانا قلنا احيانا

فهناك من يصوت بنعم وهناك من يصوت بلا وهناك من يترك مقعده فارغا وهناك من لم يصوت لا بنعم ولا بلا فكل له سياسته واسبابه

سياسة مجال قذر للناس الشرفاء التي تخاف الله لانها تتعب من قول الحق وممكن تواجه مشاكل خطيرة قد تصل للاعتقال او الاحتجاز او الاتهام بتهمة باطلة او محاولة الضغط عليه من خلال عائلته اولاده وبناته -

صبرتوا 42 سنة وعمركم ما سمعتوا ايش يصرف القذافى و اولادة توا ما تقدروا تصبروا شوي اين يستتب الوضع عليم حالة والله ربنا يشفيكم وخلاص هذا عيب الشعب الليبي مع احترامي للجميع امتاع عصاء واى حاجة يديرها يرميها على الحرية

ستار شن رايك في شهد شاهد من اهلها - كلام محمود الشمام - والترهوني وزقلام - دققي فيه - وردي عليا

الحكاية وما فيها سرقة ونهب راهو فات حدوده يعني ممكن لما يستتب الامن انتي واني والشعب الليبي كله ما يلقي شيء بعدين

ليبيا ام لنا جميعا، لا تريد من يستغل طيبة وعاطفة وتسامح اهلها. ليبيا
تريد من يحترق بحب وتواضع وصمت من اجلها. فان عصيتم او نسيتم او تناسيتم،
فلا يفوتنكم، ان ليبيا وطن، قد يغفر، وقد لا يغفر، لكنه، حتما، لا ينسى. .

اولا راضيين ان ياكلو حرام ويوكلو ضناهم حرام
ثانيا اعضاء المؤتمر انت اللي انتخبتوهم وعطيتوهم اصواتكم والمؤتمر انتو اللي شكلتوه واتفقتو عليه ومنحتوه الثقه وتو اتقولو حراميه وسراقه اعضاء المؤتمر منا وفينا وكلامي اموجه لكل ليبي حر وانقوللكم افطنو واخذو بالكم من ليبيا راهي امانه في رقابيكم وسلامتكم