صفعة من ورفلية حرة الى كل منافق يرفض تحرير بني وليد

رسالة من جمانة الورفلي


الى كل المتعاطفين مع القتلة والمجرمين في بني وليد
نحب اندكركم بس وينكم لما :
- قتلوا 13شاب من خيرة شبابنا يوم 28 مايو ما سمعنا ليكم صوت ،ووينكم لما عدموا17 شخص من ابطال الخوازم والدعكة .
- وينكم ولا تبكشتوا لما هجموا على ثوار سوق الجمعة وماتوا ناس ابرياء .
- وينكم لما هجموا على كتيبة 28 مايو والابطال يقاوموا 8 ساعات وما وقف معاهم حد لين استشهدوا ،وكلهم شباب صغار ربي يرحمهم.
- وينكم لما قتلتو التائر محمد اغنية.
كتيبة 28 مايو تم تدميرها وتم طرد البقية الى السدادة وطرابلس ما سمعنا منكم شيء.
- وينكم لما يضربوا في حياش الناس المعارضة بالاربي جي كل ليلة ،واغلبكم كان عاجبه الوضع ومشمت فينا وتقولوا جردان يستاهلوا ،كل ليلة كنا عايشين في رعب ننتظر في القدائف وانتم راقدين في سابع نومه.
انحب اندكركم بابناء ورفلة يلي من دمك ولحمكم وروعتوا اطفالهم ونسائهم بمختلف القدائف :-
المنازل اللي انضربن في بني وليد وكان عاجبكم الوضع :منزل الشاعر مصطفى بن دلة - منزل علي اشتيوي النقراط - منزل ابراهيم شقاف تم حرقه وبعدين ضربتوه بقديفة بعد الصيانة - منزل عيسى فتح الله - منزل عبدالسلام ابوكراع - منزل مفتاح الرباصي - منزل عائلة الزير - مقهى 28 مايو - منزل منير المجبري - منزل عائلة مشري - منزل في الفقه - منزل في الطبول وغيرها الكثير .
طبعا اللي فات انضربن لسبب واحد انهم معارضين ورافعين اعلام الاستقلال فوق منازلهم ، طبعا بني وليد مع الشرعية ومع الدولة ، انحب اندكركم واكيد تناسيتم :
- وينكم لما اغلب الاحرار قاموا بانزال اعلام الاستقلال من على منازلهم ،وينكم لما منعتوا المدارس من قراءة النشيد الوطني ، وينكم لما انضربت محكمة بن وليد بقديفة ار بي جي لان عليها علم الاستقلال ، وينكم لما انضرب مركز الشرطة بقديفة اربي جي ،وينكم لما دمرتوا مقر ائتلاف 17 فبراير ووينكم لما حرقتوا ودمرتوا مقر المجلس المحلي بني وليد وطردتوا اعضائه خارج بن وليد ..ووينكم ووينكم عيييت راهو والله عييت .
ووينكم لما كنتوا توصفوا في ورفلة الشرق بالخونة وبناتهم انهم يناموا في احضان القطريين عبر اداعتكم ووينكم ووينكم .
------اليوم بنفس الوجوه الاولى على من تكدبوا احني ورفلة يد وحدة ورفلة خوتنا في الشرق ترفعوا في اعلام الاستفلال وتكدبوا اعلاش ماهو كنتوا تضربوا في كل من رفعها .
وينكم لما هجرت 400 عائلة من بني وليد الى طرابلس وما سمعنا صوتكم .واليوم نشوف فيكم ونسمع بنفس الوجوه بنفس الاداعة تكدبوا وتفتنوا ، جبتوا الدمار لبني وليد انتم وجماعة المجلس متاعكم والله كل دم بريء في رقبتكم .
والله الكلام واجد واعييت قالك بنسلموا المطلوبين علي من تكدبوا هو مجلسكم بالبرغوتي نصهم مطلوبين والواعر وشلته كلهم مجرمين ومطلوبين ، خلاص راكم انكشفتوا واعترفوا بحقيقتكم ،اقسم بالله العظيم عارفتكم قاعدين تعشقوا في مقبوركم على اساس بتحرروا ليبيا وبترجعوا الخضراء واسمعوا الاتصالات الاخيرة وكلام الواعر وحمزة والساعدي ،اليوم بن وليد هي المعركة الاخيرة وعرفوا نهايتهم قربت وانتم قاعدين تدافعوا عنهم ، اللي صاير اليوم في بن وليد متوقع من زمان وتحملو اللي درتوه بايديكم ودماء الابرياء في رقابكم ...راني عييييييييييييييييييييييييييييييييييت ساد.....حفظ الله الأبرياء و الاطفال و النساء في بني وليد

الحمد لله ربي ييسر لاأمور
ويفرج على بني وليد
لتعود لليبيا الغالية

ترا ردو على الحرة بربع كلمة لان كلام الحق وجاع ولا واحد قدر يرد زى .... و..... و...... الطحالب الموجودين فى المنتدى والى يعرفو روحهم زين
والله اكبر الله اكبر الله اكبر ولله الحمد وعاشت ليبيا حرة
ومنور يا نيهوم ديما واقفلهم والله غير انى مشغول ومعندى وقت غير للتصفح كان هدا رانى وراك و معاك خطوه بخطوة وسلام
وماننسوش الكابتن و الاخ ليبيا واحدة على الطرح الجيد والاخت العزيزة زهرة اللوتس التى افتقدها مند فترة

بسلم لسانك يا حرة و ربي يكثر من امثالك في بني وليد خاصة و في ليبيا عامة .