طاحت شمس يا غالي غلاك .. الرويعي

طاحت شمس يا غالي غلاك ..
وخيّم ليل من فرقاك شين
يوم سعيد يا مسعد مساك ..
وفرحة عمر تمت بعد حين
ويا محلاه ضحكك يا بهاك ..
عليك يخيل لبيض والثمين
ادودش بث فالدنيا اضياك ..
وفوح بعطر ورد الياسمين
ها يا داي يا حالي معاك ..
هذا وين ما صدّق البين
قاطع فيه عرقي من نداك ..
وقالب فيه حالي مرفعين
ياللي كنت نفرح في زهاك ..
كنّي اليوم في فرحك حزين
وكيف تكون هي ساعة هناك ..
ساعة جرح في صدري مكين
وايش اليوم قالن لك ارياك ..
ووين القيت خاطيي قرين
واحد قبل راني وانت راك ..
كنا كيف تمينا اثنين
وكيف ازعما تحكي عن هواك ..
لغيري فيه ليل النايمين
بنطق السان تهمس به شفاك ..
ولا بضحك عين المستكين
وكفك لان وارتخين عضاك ..
وكان لغير كفي ما يلين
وكيف اخطاي لطن عن اخطاك ..
ودربي وين ماشي وانت وين
سنين غلاي تعزقهن وراك ..
كيف اقدرت تقنى عزم زين
ووين تريد يا تابع هواك ..
عليك نخاف من غربه اسنين
بمن ع الدهر عابي في اعباك ..
ان صارت فيه تكشيرة جبين
يراعي فيك عينه من احذاك ..
ويشد اذراع للنشله متين
ويفهم فيه ما يجول بخفاك ..
ويقرا فيه في لمحة العين
ووين فرسان خيل يعرف وايش داك ..
وفيك يغوص للسر الدفين
اعياط البين ف الحلم ابدناك ..
قطع مشوار عمري قطعتين
مكبر نار من باقي رجاك ..
ان نافخ فيه ويثوب العوين
وايش يريد يضويهن بلاك ..
دروب الليل فالحال المهين
الحاصل كل مو ساير افداك ..
افداك الجرح و افداك الحنين
يا مشكاي لا تعكر صفاك ..
وزيد اليوم في ضحكك رنين
ادودش بس واسبح في افلاك ..
احلام البشر وابهج واستزين
اضحك للورد ما بين الاشواك ..
وارقص في قلوب العاشقين

انعم انعم انعم ياالهيلع زيدنا الله يابرك فيك

تشكر اخي الهيلع علي النقل الجميل والرائع
تقبل مروري

الله ينعم عليك توني الكرزاما أنت ابوبكر مرورك طيب

مشكور على القصيدة

الله ايبارك فيك ياجيت متأخر

شكراً لك على ما قدمت وبانتظار القادم منك واكيد القادم احلى

فداك الجرح و افداك الحنين
يا مشكاي لا تعكر صفاك ..

ابدعت ولك مني جزيل الشكر--- مع كامل تقديري

اسيـر جرحــــــــــــــــــــــــــــــــــــــــــــــــــــــــي

الله ايبارك فيك علي هذا المجهود الطيب

مشكور علي القصيده الرائعه

مشكور استار وابومشاظي محمد واسيرجرحي على المرور الطيب اما انتِ يابنت التميمي لكي تقديري على مرورك الجدير بالذكرلدى الموروث ولكم مني جميعاً تحياتي

كلام طيب ياطعمة

واللهي أنت الطعمة يابوحميد وشكر وتقدير خاص مني اليك

مرسيه علي الشعر والقصيده التي هيا اكثر من رائعه وراقيه دائما مبهر يا الهيلع باختياراك للمواضيع
مابين بين وبين بالمواجع امدردر يا العزيز العين
خليتها امعاك اتعيش بين وبين
لاعارفه تجفاك ولا عارفه تحمل امرار خطاك
ولاعارفه تنساك ما تنساك
ولاعارفه غيرك اتريد اخرين
ولاعارفه تمشي مغير وراك ولا عارفه درب النهايه وين
ولاجربت في العمر غير غلاك ولاضايقه لوعه ولاتكوين
حد السعاده كي تكون معاك وغيابك عليها يوم واعر شين
كذا قولي تقدر اتعيش بلاك كذا قوالي تلقا الصبر امنين
تقبل مروري علي مواضيعك واعتذاري علي الاضافه التي لا ربما تكون من غير حقي ........ الملكه

مشكور الله يعطيك الف عافية
دام هذا التميز الراقي
وانا في انتظار كل جديدك
تقبل مروري
مع خالص ودي واحترمي

مرور الملكه يسرني ومرور العبيدي جميل وممتع شكراً لكم على ررقي الكلمات التي اثلجت قلبي تحياتي لكم بالتقدم والأزدهار..الهيلع

مشكوراخى الكريم على هذه المشاركه الرائعه

مشكوراخى الكريم على هذا المرورالرائع