هذي دارهم وابكي عليهم ديمة

من طرف **dude333** 2012-12-07, 8:48 pm

هذي دارهم وابكي عليهم ديمة
كان البكا جيّاب يالعديمة

دونك الدار احذاك
وابكي احذاها كان جاب ابكاك

وشيلي عليهم ونا انشيل امعاك
وقجّي كما قجة ادموع يتيمة

اللي عقبولك فيت قل هناك
وموكار يسّـافا عليك رديمة

واوهام سوتهن دونك انهن يالاك
عليهن انهالي حومة التظليمة

وديري عليهم طار نشلا معاك
علي افراقهم ماعدا لقيت عزيمة

معاي اذرفي يالعين ما ننهاك
ولايل على التسكيب يالهشيمة

يالعديمة
هذي دارهم وابكي عليهم ديمة
كان البكا جيّاب

من طرف **جمال المروج** 2012-12-07, 11:58 pm

وشيلي عليهم ونا انشيل امعاك
وقجّي كما قجة ادموع يتيمة

شكرا خوي دودي
اختيار موفقك

حفظك الله

من طرف **dude333** 2012-12-08, 12:03 am

شكرا لمروركم

من طرف عبدالناصر الحر 2012-12-09, 6:28 pm

امنور

من طرف **dude333** 2012-12-09, 9:01 pm

عبدالناصر الحر كتب:امنور

شكرا عبد الناصر الحر

من طرف فرج احميد 2012-12-12, 6:26 pm

واوهام سوتهن دونك انهن يالاك
عليهن انهالي حومة التظليمة
تسلم اخى دودي

من طرف ابن الباديه 2012-12-13, 8:18 am

شكرا على هذا الاختيار المميز ...القصيده للشاغر / يوسف الطاهر

يالعديمة *** هذي دارهم وابكي عليهم ديمة
كان البكا جيّــــاب
دونك الدار انهالي *** وحتي ادموعك نين يفضى بالي
وسيلي عليهم ما علي اتسالي *** اسكاتك وقل ابكاك فيه ظليمة
اخطورهم عقاب الليل ذيبل حالي *** اسماح الوصايف طيبين الشيمة
وين يخطروا تخطر ايام دلالي *** ويخطر هذاك الغوش وا مواهيمة
ويخطر معاهم مامن عزيز وغالي *** وتخطر عليّا سمحة التبسيمة
اللي بعدها ياصاحبي هيالي *** لا تسوى الدنيا لا عليها قيمة
مازال صورتها اتجي فـ خيالي *** وتجبد امعاها في احداث قديمة
تعتنا عليهم نصلبوا الليالي *** اسكاتك على الغيّاب فيه جريمة