حتى الصقر واخد من اوصافي

حتى الصقر واخد من اوصافي
ربايت عز ماندير العطيبه
طير البوم ف اوصافه اخلافي
وملك الغاب قدامي دبيبه
راسي فوق ماينزل السافي
ومانصاحبش من صاحب لجيبه
فى وقت الباس حظني دوم وافي
ع الاصحاب دمعاتي قريبه
عشت العمر راجل دوم وافي...
موش حقود و نقابل بطيبه
عندي قلب ابيض دوم صافي
لا مايشيل لا يكافي بغيبيه
ونور العشق من مولاي طافي
لا غاليت لا نغالي حبيبة
لا جافيت لا عمري نجافي
ناسي الصوب وايامه وسريبه
بود وعز من كافا انكافي
وعمره العقل ما كافا بعية
عندي جرح من غيبة اولافي
حاير فيه دكتوره وطبيبه
اولاف اصحاب خلو الجمر طافي
خداهم موت خلوني ف ريبه
يجيني الليل نلقاهم اصدافي
يطير النوم ودمعي سكيبه
نبقى غير شارد ف القوافي
حاير فيه شعري كي نجيبه
نجيب الميم قبله نحط كافي
وبعد الكاف لامي في الكتيبه
وحرف التا ضايع في املافي
نطوي كتاب من يدي نسيبه
عشت العمر فوق الجمر حافي
وشفت اقهار قولتهن مصيبه
دعيت الله داري بكل خافي
يبري الجرح ويسكت نحيبه
لين الياس مني قال كافي
مخلي دوم مولاي حسيبه