انا حاتم الشامخ الصبيحي المغربي من المنتسبين الجدد في منتداك

من طرف **عبدالحفيظ عوض ربيع** 2014-04-11, 9:26 pm

السلام عليكم
انا حاتم الشامخ الصبيحي المغربي
من المنتسبين الجدد في منتداكم
اواجه مشكله في نشر قصيدة من كتاباتي
تظهر لي رسالة مفادها
المنتدي محمي ضد اي عمل تعسفي او شي من هذا القبيل
هذه هي القصيدة التي اريد نشرها
و هي من كتاباتي

السلام عليكم

كيف حالكم يا عربنا وشن اخر اخباركم
من مفكراتي المنسية
....................................................................
طبعاً القصيدة فيها اسم بنت ارجوا منكم المحاوله في معرفة الاسم و ارسال الاجابة في رسالة خاصة
...................................................................

تبــــكي عليه الليالي .. بدموع واجده بالك اتفضي بالي .. العين خلها

تبــــــــــــــكي اوقات بجضـــــــه .. و اوقات تكتمته صوت العباري خضه
ماللي جراله هي الزام اتعضـــــه .. صبعي وتكمي ما طـري وجرالي
و اوقات تندبه وتقول هذا حظـــه .. امبخٌت الخاطر كيـــــــــــف قبل وتالي
وتبرم علي جرحه اوقات اتقضـه .. ســـــــــبله اديره كـــــــي اتريد تشالي

تبــــكي عليه الليالي .. بدموع واجده بالك اتفضي بالي .. العين خلها

تــبكــــــــــــــي بـــــلا دمعـــــــات .. و وقـــــــــات دلفهــــــا فالــقو شلالات
و اوقـات ينزحن تكمل الا عـــبرات .. و وقات ع اليمين اتسيــل كيف شمالي
و اوقات رقرقه ع الهدب ممسوكات .. اتجيـــــب صورته فيهن عزيز وغالي
و اوقــــــات نوقطه وتجيب ذكريات .. وتــــــــقول وينـــــــهو تما مكانه خالي
اتخطٌــــــــر عليا اوقات دون اوقات .. سطير جــــرح مالماضي ابري هايالي
وتقـــــــــول كيف اتسيل مالطوطات .. ايـــــــام الغــــــــلا مابن ايجن معدالي

تبــــكي عليه الليالي .. بدموع واجده بالك اتفضي بالي .. العين خلها

تبكــــــــــــــــي اتــــــــقول نســـاني .. وايـــــــــــــــــش دايره بالله فيه زماني
حــــتي كي ازهيت وقلت ياهو جاني .. يضـــــــــحك الوقت وجاب عين الفالي
و زامٌــــــن ارعوده قلت فوق اوطاني .. ارجاع من مطـــــرهم قلت يعمر جالي
الاغــــــــــــــــير لكن دارهـــا كداني .. منــــــه اريـــــــاحي قالبـــــــات قبالي

تبــــكي عليه الليالي .. بدموع واجده بالك اتفضي بالي .. العين خلها

تـــــــــــــــــبكي بكــــــل جهدهـــــــــا .. و تــــــــــطٌلع دسايس خاطري جاحدها
وتـــــــــبدي اتذرف كي اتجي مرقدها .. و تقول ياثمـــــــوا منهم اضياق مجالي
وتـــــــــــــــــدعي عليهم طالبه ايقنٌدها .. اطـــــــــرقهم اللي داروا غلاي تسالي
وتــــــزيد في ادعهــــــــا وين متبددها .. وتقـــــــــول يالله يصبح عمــــاره خالي
دارو كـــــــــــبيره ما هنـــــــاك بعدها .. خـــــــــــانو غــــــلاي وطيحوا تمثالي

تبــــكي عليه الليالي .. بدموع واجده بالك اتفضي بالي .. العين خلها

تبكـــــــــــــــــــــــــي ديـــــــــــــــــمه .. بـــــــنواع واجـــده في ساعة التظلميه
وتخـــــــــــطٌر عليا في اصواب قديمه .. نيــــــن من بكـــــــــاها حيل ما يبقالي
وتبــــــــــدي بسرحـــــــــتا مع تبسيمه .. ونســـــــــرح معاها في شريط خيالي
ويجـــــــــي منقطع تفطن اتقول عديمه .. رانــــــــــــي بـــــــلاهم ما هنا يلفالي
و تبــــــــــــــدي بشهقه اتقول يانا ديمه .. مـــــــــع فــقـفـقـه وتــزيد فيه اهبالي
اتخــــــــــــطٌر عليا عـــــــاليين القيمه .. اللـــــــي صيتٌم بالفعل صيت اهلالي
اللـــــــــي قولهــم ديمه اقوال حكيمة .. روس للعــــــــرب عاشوا الروس معالي
وتــــــــــــــاخذ نصيب بسوتها وتخميمه .. وتجـــــــــــبد علل وتقول يانا حالـــي
تنــــــــزل اللــــــــي حبست بعد تجميمه .. اســــيول ع الخدود اتقجهن شتوالي
اتقــــــــــول جفوته تبي اصحاب عزيمه .. وتتــــريد عقل ينساهم اعزاز غوالي
وهـــــــــــو العقل عنده و العزوم هشيمه .. والصبـــــــــــر مر وشين ما يحلالي
اتجــــــيب في خبر يصعب علي ترجيمه .. اســــــــا نــــذكره بالك ايترجم والي
اثنين قـــــــــولها صــــــــــاحب وفتلويمه .. هـــــو قرعتك ماهو عطيب ارجالي
واثنيـــــــــــن قولها في ( لم ) عين رحيمة .. هـــــــــــذا طبع فيها مالكريم العالي
هـــــــــــــــــذا قولها والقــــول يبي جيمه .. وتـجيب وصف من غالت وايستحلالي
اللــــــــي ســـــــودها فاتن اعيون الريمه .. اللــــــــــــي ديها بشواش ماهو عالي
اللــــــــي وسطهـــــــــا مبروم فالتخطيمه .. اتميـــــــل اتمايـــــل كي تجي فقبالي
ومسفـــــــــــي مظلــــــــم هالب التحزيمه .. مــــقطوع من ظلام الليل في هيٌايلي
وتهــــــــدي مع هبت الفجـــــــــــر نسيمه .. وتمســـــح عقاب ادموع يهدي حالي
هــــــــذا سبرها تسكـــــــــــت بعد تبريمة .. اتجي راقده ماللــــــي جري وطرالي

تبــــكي عليه الليالي .. بدموع واجده بالك اتفضي بالي .. العين خلها
....................................................................
طبعاً القصيدة فيها اسم بنت ارجوا منكم المحاوله في معرفة الاسم و ارسال الاجابة في رسالة خاصه
...................................................................
وسلمتوا
حاتم الشامخ الصبيحي المغربي

المعروف بلقب (بوالنيران)
13/6/2013

ارجو منكم مساعدتي في نشرها