إعلانات المنتدي
المواضيع الأخيرة
بحـث
العين والفت يا خال جا ميجاله،،،
2 مشترك
صفحة 1 من اصل 1
العين والفت يا خال جا ميجاله،،،
العين والفت يا خال جا ميجاله،،،
مضا الليل ما باتت وهى فى حاله،،،
الها قلت شاللى صاير،،،
فيك لين يا عينى منامك طاير،،،
قالت الشوق احشود تمه غاير،،،،
على جاب ما عنده ولم ارجاله،،،
والشوق يا اصحاب العقل طاغى جاير،،،
سلطان النفوس بقوته وافعاله،،،،
ايخرب اقلوبا" عامرة بثماير ،،،
تصبح امقار العيب والبطالة ،،،
لا اتجيب راى ولا اتقول دباير ،،،
ولا ينعطاها سر لا اتخاله ،،،
وايظلم على شبحة العقل الناير،،،
وايظهر من الكاظم اللى فى باله،،،
العين والفت يا خال جا ميجاله،،،
مضا الليل ما باتت وهى فى حاله،،،
هى مستاجعة،،،
فجرة عزيز وغيبته وامواجعه،،،
اتضم فى الدبش واتنوض واتجى راجعة،،،
انسايسها على المرقد بقولة لالا ،،،
هولتيه ماهو شئ واصبح فاجعة،،،
وزدتى معاه بعنطزة وجهالة،،
ارجوك ديري للقديم امراجعة ،،،
اطوى صفحته تلقى جديد بداله،،،
العين والفت يا خال جا ميجاله،،،
مضا الليل ما باتت وهى فى حاله،،،
هى صبارة ،،،
عليه وعلى موحه وكبوة ناره،،،
منحاز وانحازن امعاه ادياره،،،
خلف الحدود ومنقطع مرساله،،،
هذاك الصباح السمح سود انظاره،،،
سر لام والعمة وسر الخالة،،،،
عناق كى عناق الريم لاتجارا،،،،
ولاى خايفة تنصاب لاى جفاله،،،
ان ضحكت الها ضحكة اتقول ابشارة ،،،
رقيق حسها ما تهلبه معداله،،،
وان بكيت اتسيل ادموعها بحرارة،،،
وما اتسيل للهايف ولا ترثاله،،،
العين والفت يا خال جا ميجاله،،،
مضا الليل ما باتت وهى فى حاله،،،
هى مضرورة ،،،
عابت اعياب ونفسها مكسورة،،،
اتقيم فى اثلاث الليل وان اخطورة،،،
انحرقت وما ساعة برد ملاله،،،
ان نسيت ايفاجيها بصوت وصورة،،،
لا تاكل ولا تشرب الا بخياله،،،
العين والفت يا خال جا ميجاله،،،
مضا الليل ما باتت وهى فى حاله،،،
العين اموالفة،،،
اتجى بالخلاف وفى اوقات امخالفة،،،
اتجى للقديم بجرته وسوالفه،،،
مازال ما نسيت وهو بعياله،،،
وترد للجديد اتبات تصبح حالفة،،،
ولو اتموت ما ترجع على مواله،،،
ياخال نا تالف وعينى تالفة ،،،
وحبل النجا مازال موش اقباله،،،
ديما سايلة ،،،
لا اتقول ليل ولا اتقولش قايلة ،،،
ايجى فى المنام وفى الغطا اتخايله،،،
نظيف العضا لسبط الطيب فاله،،،
اتجيب النكد كله بكل وسايله ،،،
واتجيب فى خرابط مالها حلاله،،،
العين بالسهر والدمع ديما صايلة ،،،
وفى هذى لا تجعر ولاى ذلاله ،،،
ما اتقول صاحبى هاذاى صاحب عايلة،،،
غنى والغنى باللى معاه اولاله،،،
بايع على ماضى انساه زوايله،،،
وشارى اوجوه اموثقات اعقاله،،،
العين والفت يا خال جا ميجاله،،،
مضا الليل ما باتت وهى فى حاله،،،
العين والفت عالغايب ،،،
خطر فى عقاب الليل دارت نايب ،،،
جا جور ماقيها رما العصايب ،،،،
بغيضه وفيضه وسكرته واهباله ،،،
ماله فتنقيض القديم درايب،،،
ولا ايحس دنيا داسها بنعاله ،،،،
جى فى اصدار اعيون سود رغايب ،،،
نجا ما انجى منها وهى قتاله،،،،
بات وصبح فى الصبح صبح الخايب،،،
الدامر اللى ماله اقرام عقاله،،،،
العين والفت يا خال جا ميجاله،،،
مضا الليل ما باتت وهى فى حاله،،،
يا خال لو تنظرها ،،،،
تلقى العذر لى عندك وهى تعذرها،،،
سبحانه بدع فيها الله صورها ،،،
عظيم ما عليه عظيم جل جلاله،،،،
العود فى تفاصيله ورق بشرها ،،،،
خذا لون خيط الشمس فى القيالة ،،،،
واعيون ذبلت والسواد حجرها،،،
بلا سحن لين لاى محتاجاله ،،،
وايداعب تهبهيب النسيم شعرها ،،،
داير على جبنونها ياء ماله ،،،
العين والفت يا خال جا ميجاله،،،
مضا الليل ما باتت وهى فى حاله،،،
هى مشتاقة ،،،
فوت الحساب وما اتطيق افراقه ،،،
ان طاحت الشمس اتجرلى نقناقه ،،،
واتجيب القديم بصورته واطلاله ،،،
بوعين سودة سمح برمة ساقة ،،،
جوف الكريمة الجيدة المزعالة ،،،
اللى وين داعوها على الحراقة ،،،
نهار سيدها بوبح وجاه ضلاله،،،
والسوق حامى والرجال شراقه ،،،
رمت لوله فكت على الذلالة،،،
العين والفت يا خال جا ميجاله،،،
مضا الليل ما باتت وهى فى حاله،،،
هى مهمومة ،،،
وامسامحة حتى وهى مظلومة ،،،
انزاحت الدار وشرقت فى حومة ،،،
بعيدة على اللى ما بعيد مشاله ،،،،
عليها الجضر بارم ودار حكومة،،،
على قولة ارميلة وجاب اعياله،،،
العين والفت يا خال جا ميجاله،،،
مضا الليل ما باتت وهى فى حاله،،،
-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
dude333- مشرف المنتدى السياسي
-
عدد المشاركات : 5585
العمر : 54
رقم العضوية : 9508
قوة التقييم : 36
تاريخ التسجيل : 11/01/2012
رد: العين والفت يا خال جا ميجاله،،،
رائع
-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
اشهد ان لا اله الا الله واشهد ان محمد رسول الله
مواضيع مماثلة
» والفت بــــك
» التهاب ملتحمة العين .. احمرار العين .. كيف تعامله ؟؟
» الالياف العصبية البصرية التالفة في العين والتي تربط العين بالمخ يمكن إصلاحها باستخدام بروتين تم التوصل إليه مؤخرا.
» عزيز وين ما ننسوه : تجي العين في العين نوحلوا .
» يا العين
» التهاب ملتحمة العين .. احمرار العين .. كيف تعامله ؟؟
» الالياف العصبية البصرية التالفة في العين والتي تربط العين بالمخ يمكن إصلاحها باستخدام بروتين تم التوصل إليه مؤخرا.
» عزيز وين ما ننسوه : تجي العين في العين نوحلوا .
» يا العين
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
اليوم في 9:40 am من طرف STAR
» فوائد وأضرار النعناع
اليوم في 9:39 am من طرف STAR
» حشوة الصفيحة بالطماطم
اليوم في 9:38 am من طرف STAR
» الصلاة علي رسول الله+الاستغفار+ذكر الشهادة+كفارة المجلس
اليوم في 9:32 am من طرف STAR
» السياحة في كوينزلاند.. 5 روائع لعشاق عجائب الدنيا الطبيعية
2024-05-27, 8:50 am من طرف STAR
» رغم ما يملكه من فوائد.. متى يجب الامتناع عن تناول الغريب فروت؟
2024-05-27, 8:50 am من طرف STAR
» كيفية قياس زيت محرك السيارة “الطريقة الصحيحة” وعلامات نقص الزيت
2024-05-27, 8:49 am من طرف STAR
» محشي ورق العنب بالريش
2024-05-27, 8:48 am من طرف STAR
» مبابي يسدل الستار على مسيرته مع سان جرمان باللقب 14
2024-05-26, 9:23 am من طرف STAR
» تعرّفي على غسول الوجه الأنسب لبشرتك
2024-05-26, 9:22 am من طرف STAR
» مفتول بالطريقة الفلسطينية
2024-05-26, 9:21 am من طرف STAR
» نصائح هامة للحفاظ على الصحة العقلية للمسنين
2024-05-25, 9:15 am من طرف STAR
» هل يختفي الإنترنت؟
2024-05-25, 9:15 am من طرف STAR
» سوفليه الفرنسية بالشوكولاتة البلجيكية
2024-05-25, 9:14 am من طرف STAR
» لأقصى فائدة ممكنة.. أفضل الأوقات لشرب الماء
2024-05-22, 9:26 am من طرف STAR