ابكن يا لانظار

من طرف لاجواد نا بنتهم 2016-11-23, 8:08 pm

ابكن يا لانظار معاكن ماقي .. سيله راقي .. جاء دفاقي .. دار سواقي .. علّي غاب نواه فراقي

ابكن يا لانظار بكاء والد .. ضناه فقد .. وبعيونه الفجعه شاهد

يذرف بدموعه وشارد .. بكاء رقراقي .. ونا كيفه كابر نقناقي

ابكن يا لانظار ..

ابكن يا لانظار على لبعاد .. .. اللي ليـــــــهم ما لقيت سبيل

بكـــاء الام وفقدت الاولاد .. .. علي الأريــــل بودور طويل

يجي دمعــك نازل بــــداد .. .. عليــــــهم نوحي صبح وليل

نــــريد دموعك باجتـــهاد .. .. انـــــــــريده سيـل يتبع سيل

انهـــالي ما تقوليـــلي ساد .. .. انـــــهالي يا عيــوني بالحيل

غلا درنــا ما يدومش عاد .. .. مع غـــــــــالي ما كيفه مثيل

اشــــــرتع في لمه وميعاد .. .. غـــلا هاللي فــــايز عالجيل

مانــــريدش في الليل رقاد .. .. نـــــريد تبكي وديري الويل

سواد اســود في لون سواد .. .. أســـود من الـدنيا وين تميل

خلاص ابكي نا نريد حداد .. .. على اللي صوبه موش قليل

عليه ابـكي حتى ان ما فاد .. .. خــلاص مـا نبي فيا حـــيل

انريد انعيش مع الانكاد .. ومر مضاقي .. يوم غيبة كاحل لرماقي

ابكن يا لانظار ..

ابكـــن دمعه سيلن يا عيوني .. .. ونـــــــا نريد تسيلن مـــزبوط

ابكـــــــن غيبة ناس يعزوني .. .. أيـــــــــام كأين بيهم مــربوط

ابكن ما نريد الصوب تهوني .. .. يكون بكاء شوط وراء شــوط

نقـــاره صبــــــــــــوله دوني .. .. ريدي بوســـــــالف ممشــوط

نـــــــريد نشـــالي ما يهدوني .. .. ع الخد الدمعـــــــه سربــوط

نـــــــريد نبكي عنهم خـلوني .. .. غــــلاهم في قلبي محطــوط

ننســـــــاهم غير كيف يبوني .. .. نــــــاس غلاهم درته نــــوط

حتى ان كـــــان اليوم نسوني .. .. مــــــــا ننسى ولاني بلعــوط

ابكي عنهم حتى ان ما جوني .. .. ابكي غيابه ريدي الخرخوط

ابكـــــــن لــــنقنه راقد عوني .. .. ابكـــن ما نريد بكاء مشروط

ابكن يا انظار بكاء المجنوني .. .. ونــــــــا نشالي نخبط لحيوط

ابكــن لين ف قبري يحطوني .. .. ابكـــــــن لنقني مــو مبسوط

كمــــــلت أيديه بسنــــــــوني .. .. دمعـــــــي في دمايه مخلوط

نـــــريد بكاء كيف القـــزوني .. .. نريد بكـــــاء معذب بالسوط

علي بو شفه كي الطـــابوني .. .. وبو حـاجب تحلف مخطوط

عليه ابكن نين يواروني .. بكل شواقي .. ديرن يا لنظار سواقي

ابكن يا لانظار معاكن ماقي .. سيله راقي .. جاء دفاقي .. دار سواقي .. علّي غاب نواه فراقي

...........................................................

عودة بعد طول غياب ، ايش حالكم

#لاجواد_نا_بنتهم

من طرف **STAR** 2016-11-24, 8:09 am

انعم انعم

رد: ابكن يا لانظار