طير غلاي

الاخوة الاعزاء رواد المنتدى الجميل نامل منكم تزويدي بقصيدة او ياتي بجديد لبيت الشعر
طير غلاي اقتل في عشة
مازقزق في عمره طشة
ولكم مني جزيل الشكر
الضببببببببببببببببببببببببع

شكراً لك على هذا الاطراء الاكثر من رائع

اسملة علي مافي واحد رد علي وجاب اللي نبوه .
الله غالب لنا الله ياعيت ارفاد.
باهي اللي ماطلبت كلوة
يعلم الله راني زعلان منكم ياعيت ارفاد من بدايتي في المنتدى طلبت ها الطلب ومافي واحد جبر بخاطري كبيرة منك وحقي عليكم كبير.
الزعلان من خوته:
الضبع.

طير غلاي امة تبنيلة طاحت فوق العش قتيلة

طير غلاي امه تبنيـله .. طاحت فوق العش قتيلة


طير غلاي امه جابتله .. عود وقش ولا فــــــرحتله

لاهي وصت لا قالتله .. كيف بلاها يلقــــــى حيلة

طير غلاي امه خلتـله .. غير اهموم ســنين طويلة


طير غلاي امه طيحتها .. من قبل اتكمل بنيتـــــــها

فوق العش الموت خذتها .. طير غلاي اجرح تبيــله

ينسى كيف دفا ضمتها .. وهمه غير لمن يشــكيله


طير غلاي امه خلاته .. عايش بين اوهــــــام حياته

تحت ارمال الياس طواته .. بعد الجرح سكن ياويله

حتـــى عز الناس رماته .. هــــذا حال الوقت وميله

شكرا على هذا الطرح الرائع