من وحي الباديه:أمرايف علي بيت ........

من طرف ابن الباديه 2010-01-19, 6:46 pm

مرايف علي بيت فيه الفنار.. وقدامه النار.. وعامر ان ريته دوم بالخطار...
امريف علي بيت عامر بسدي 0 وتخريف جدي0 شليلك مع دباخ ماسك يدي0
ويرحب ان جانا ضيف يلا عدي0 واجب الصغار.. هلهم ايطيعوا يصبحوا شطار...
مرايف علي بيت فيه الكساء0 سليم البناء 0ورقعه عليها حاطين الرحى0
طحينها لذيذ وفيه كل عفاء0 عجائز اكبار.. عليها ايهاجن كلهن سمار...
امرايف علي بيت فيه الشليف 0امفرش نظيف0 في كل ساعه كان جاهم ضيف0
وان جاء الليل يجتمعوا علي تخريف0 ينقال ايش صار.. ويحكي اللي فيهم مشى حدار.. تريس يعجبك كله خفيف ظريف 0 ايحرك النار.. بلا وصف شاهيهم ثلاث ادوار...
مرايف علي بيت فيه لجواد0 ايجلوا الكساد 0ديمه عليهم خاطري نشاد0فراسين ديمه هل اعزوم اشداد0 ايصبوا اصدار.. قدام من تعدى روسهم حسار..وهل شيوخ لامره رسم ميعاد0 ايجيبوا افكار.. حكمتم عليها شايته لاخبار...
مرايف علي شوفت زوايل حمر0 اطول العمر0 وخبزة غليثه طايبه في جمر 0امعاها حليب نياق واخرى تمر0 ايحيد امرار.. ويشفي المريض اللي بداه احتار...وخرًجه سبلها نشمروا فالغمر0 وانديروا غمار.. ومجارن عوالي كيفن ما صار..ورونج اسنونه كي اسنون النمر0 ان برم فالمدار.. ايخلي الدريخه تبنها ذرذار...
مرايف عليها وكلت الفطاحه0 وشرب القداحه0 طول النفس ماهي عجل بالراحه0
وكنسة اطراف البيت بالقزاحه0 صبايا حرار.. لايرقدن لاهن اللي بيار..وجيت الخيل ودقت الطراحه 0 وطق الهجار.. قيس المغيرب في عقاب نهار ...
امرايف عليها وكلت الكراث0 وجبنة ادواث0 وشاهي مع خبزه وراء حراث0نحلف وما فيها علي حناث0 وحسي اجهار.. امعيشة قبل ما فيها حيار..يمر الوقت ويمرن احداث 0ونا فالصدار.. فيها ان تمنى انعيش باستمرار...
مرايف علي تكنيست القزاح0 ومثنان البطاح0 وعكه مربب سمنها فواح0ما تكيد في هلها السنين الشحاح0 ايبدلوا الدار.. ان جاهم خبر مطراح فيه امطار...
مرايف علي مشي العرب بالقفه0 وقعدت الرفه0 وشايب كبير احذاي داير نفه 0حياة قبل تعجبني بعد نوصفه0 تجلي اكدار.. ومعاها يروق العقل والنظار...
مرايف علي ماضي قديم وفات0 وعندي اثبات0 تمن سهاري غير وحكايات0 لو جبت ميت بيت مالبيات0 وقلنا اشعار.. حياه وصفها يصعب علي الصوار...

من طرف محمد اللافي 2010-01-27, 3:37 am

مرايف علي بيت فيه لجواد0 ايجلوا الكساد 0ديمه عليهم خاطري نشاد0فراسين ديمه هل اعزوم اشداد0 ايصبوا اصدار.. قدام من تعدى روسهم حسار..وهل شيوخ لامره رسم ميعاد0 ايجيبوا افكار.. حكمتم عليها شايته لاخبار...
قصيده راااااائعه اخي احسنت ااختيار