جيت للمواجع ياقلب منك بيدك

من طرف درناويه 2010-02-11, 1:10 am

جيت للمواجع ياقلب منك بيدك

غاليت اللي فالغلاء مايريدك

لاوالله ماهو ذنبه
لاتجبره ايغاليك غصبن عنا
ولا من تبسملك اتسوء الضنه
تحسابه زهاك وهو سبب تنكيدك

لاوالله ماهو ذنبه
من غيبته تشكي اتحن لقربه
الذنب ذنبك ياقلب ليش اتحبه
واتكيدني كان الهموم اتكيدك

ماجاب لك سياته
ابروحك اللي ادعيت في غياته
وتميت ضحكه في عيون الشماته
واللي تقهرك يضحك امعاهم ريدك

ياقلب امرك سلم
للي خلق واصبر ولا اتئلم
وهذا درس منه ياريت اتعلم
كانيب اقسامك اتجيب جديدك

جيت للمواجع ياقلب منك بيدك
غاليت للي فالغلا ما يريدك

الشعر لخالد المسمارى درنه king

من طرف محمد اللافي 2010-02-11, 11:20 am

مشكوره اختي علي هذه القصيده

من طرف فرج احميد 2010-02-11, 7:09 pm

قصيدة رائعة مشكورة

من طرف c.ronaldo 2010-02-11, 7:40 pm

ياقلب امرك سلم
للي خلق واصبر ولا اتئلم
وهذا درس منه ياريت اتعلم
كانيب اقسامك اتجيب جديدك

اجمل مافيها..شكرآ على المشاركه الرائعه...

من طرف زهور 2010-02-12, 12:05 am

مشكوره اختي درناويه علي القصيده الرائعه
ولكن هناك خطا بسيط وهوا
لاوالله ماهومنه
لاتجبره ايغاليك غصبن عنا
ولا من تبسملك اتسوء الضنه
تحسابه زهاك وهو سبب تنكيدك