طالن أيام الغيبه

طالن أيام الغيبه
وهي قصيدة للشاعر الكبير والقدير المرحوم
(أدريس الشهيبي)
غفر ألله له ورحمه
القصيدة
ياناسيه طالن أيام الغيبه**عليك هنت والاّ من أظروف صعيبه؟
****
طالن ايام الفرقه**ونارك مع وسط الستاير ترقا
وياما أحملنا من ليالي زرقه**والعين شاقيه بغلاك وأتهاتيبه
وكي غلاك ماغليوا عرب فى "برقه" **سواء من علَم والاّعريب عطيبه
نحنا موش لقـّاقة ظلام وسرقه**نحنا صوبنا كل العرب تحكيبه
شيّالة الطايح فى نهار الشرقه**نهار كلّ حد هارب لغير الصيبه
أصحاب عهد وافي موش كذب ودرقه**أنواع الكلام أنفصّلوا ترتيبه
قطعتي غلاء دوبه تمكّن عرقه**حلّفتك إيمين وبالنبي تشقيبه
وأنعدّوه كي مسحة شراب العرقه**أنتي تتركيه ونا عليّ أنسيبه
ونوطا على عقلي ونار الحرقه**صبّار خاطري نقدر عليه أنجيبه
والمولى خلقها كل حدّ له طرقه**أمفصّل الدنيا فى أطوار غريبه.
****
طالن أيام أغيابك**يالخايله ياللي لذيذ وجَابك
وياللي إيلجّن بالسواك أنيابك**وجَابك دواء كيف العسل فى طيبه
وياللي جبينك برق نوّه حابك**ذكّارة أشتاء مزنه هذَل تسكيبه
وياللي أتخيلي فى أصناف أثيابك**مع كل موضه فالبلاد عجيبه
وياللي أسماح أمدوّرات أكعابك**رشاقه وعدلَة ساق وأتهنديبه
وياللي أهدوبك نبتهن متشابك**أطوال فوق م الحاجب لهن تعكيبه
وياللي سهاريّك وروق شبابك**إيحيدن دراه الكبد والتضبيبه
وياطول ماتقنا عليك أحبابك**وأتجي أملاقيَه كيف الودود حبيبه
واتنطِّي ثمان أدروج فى مهلابك**سطّار جري لافيها حرج لاغيبه
وياطول ماتمّالنا مشرابك**سبيل غير ماردنا أمعاك عطيبه
انقحّز وندنىَ للبعيد أنهابك**حياء من عواقب شيّ ماتدريبه
وبلاوعي صارحتي جميع أحبابك**وقلتي اللي مفروض ماتدويب
وتحسابي الدنيا من أعطاب أخيابك**أتسير فى نظاف وهي ظلام وريبه
وأنتي تربحي وأنا شطبت أحسابك**غباوين يامول العيون رغيبه
****
طالن ايام جضارك**لهن زمان ماطافن علي أخبارك
ياللي غلاك مع الزمان أمشارك**سرّاقه أتسير لخاطري تمشيب
أغلطتي وقلتي للبنات أسرارك**وهن بدورهن جرّن عليك مصيبه
وعادة العرب فوق القعود البارك**إيزيدوا مع ثقل الحمول صليبه
واللي تقربه رايف عليه أجوارك**قدّامك حبيب ومن وراك دبيبه
وفتـّالة أحبال السوّ من خطـّارك**مايصدّقوا يلقوا عليك غبيبه
موش غير فى حبك ونوع أجرارك**برنامج العرب نكره أنجيب سريبه
باالله ننصحك ديما أيـّاك حذارك**اللي مو علَم تنسيب ماتشقيبه
إيجن أوقات تنخدعي أتبان عوَارك**واذيول العرب إيغرّوك بالتلعيبه
ياللي توارى فى النظاف أسوارك**لاقداك فى خدعه ولاتوكيبه
حلال قسمتك للي أمشيّط نارك**أنتي له مراد وهو اللي تزهيبه

تشكر عالمرور ياغالي
بارك الله فيك

تشكريوسف عالمرور ياغالي
بارك الله فيك

العفو اخى الاسطوره

مشكور يوسف علي المرور الخفيف

تشكر فكسي عالمرور ياغالي
بارك الله فيك

جهد متميزمن عضو متميز لك الشكرعلى هذه المشاركه

سلمت بالجد عندنا في المنتدى اعضاء
فنانه لهم ابداع وفكر جميل اسلوب راقي

" مرحبا ياغالي "
سلمت يداك وربي يسعدك ويخليك
لمن يودك يارب آآمين
‏ تقبل منى كل الود والاحترام ياعزيزي
تحياتي همسة

مشكور على هذة المشاركة الجد قيمة وانت دائماً مميز بكل ما تأتى بة من جديد ورائع موفق وفى انتظار القادم منك واكيد القادم اجمل