الزواج من بنت بلادي

قالو كان تبي الجمال خود اللبنانية وكان تبي الدلال خود المصرية وكان تبي التشحيط خود الليبية .....!

فهل تتكرم وتقراء قليلا عن الليبية ولك حرية الخيار




الريانية إتوكلنى الزميطة والسلاطة المشوية ومتخليني أنلبز أيديا .



الترهونية ريحة شربتها أتعز عليا .



الزوارية بازين بالحوت صقع عليا .


الغريانية من الجمال... قالك نانسى لوح عليا .


الزنتانية تغزل هداكا الصوف وفى الشتاء أتغطيه عليا .


الصرمانيه بازينها معدل وإتقدر فيا .


الطرابلسية رشدة كسكاس أديرهالى بالنية .


السوكنية خبزة التنور ما اديرها إلا ليا .


السبهاوية عرجون البلح واللبن من البقرة العربية .


الورشفانية من أخبارها لين فاتت العربية .


الصبراتية بحرها نظيف وإيعز عليا .


المصراتية من كثر الدلال خلتنى نمشى على أيديا .


الجبالية عيون عسليات وشعر مسبسب وووه عليا .


الرجبانية بطوسية الشهاى المخلطة بالكاكوية.


الصويعية قلبها ديما حنين وحشومى شوية .


التاجورية زين وعقل وراهى وبنت بيتيه.


الزرقانية إتخليني نرقد على راحتى ولما انوض أتقولى أتكى وريح عضامك شوية عليا






أما هما منّى أنى


و الجميلية تحددلى حوايجى وديما تجنتل فيا


الشرقاوية بخوف اللبوة على صغارها تخاف عليا


الورفالّية حذاقة وفهم عالطاير تفهم عليا


الخمسية فى قرمة الناس مترضاش ربع كلمة عليا












فلماذا تهربون للخارج مادامت كل الكنوز موجودة فى الفتاة الليبية ..؟



لاتونسية ولا لبنانية الليبية بنت بلادى أتعز عليا .

والسلام عليكم ورحمة الله وبركاته

مفيش اصقع من الشرقاويه
مشكور يا عبدو

ههههههههه
مشكور ولكن تحتاج الي بعض التنسيق مثل تقريب الاسطر وحذف المسافات

و الرفاديه اللي منها الام و الاخت و العمه و الخاله و الحنه اللي اتحن عليه
و تنشد ان غبت و تقول ما اطول عليه او بالدمع اتودع و تلاقي فيه

موضوع سمح ياعبداللة لكن شكلها على موضوعك فهمتها انت تبي تاخذ من مغرب لانة القبائل لي ذكرتن كلهن مغرب
والشرقاوية وصفها تخاف عليك بس يعني بالعربي ماتحتكش وتفكر تزوج اخرى
لذلك اختصرها وخوذ 4 مصريات من الاول

بارك الله فيك على هذة المشاركة

الليبية بنت بلادى أتعز عليا

الوطنى وطنى حتى فى المجازر