وهي تهايا للشاعر مراد البرعصي

من طرف عين التميمي 2009-04-14, 1:26 pm

[center]للشاعر مراد البرعصي

وهي تهايا................لوكانت بودي نا وحال الغايا....مانريد ننساها

وهي عالغفله......................اتخايل وتركب في انظاري جفله
ويقولن اللي يريد الغلا يوقفله...........جنينا يشيلا شيل فالكمايا
ونحنا غلانااما ولد بالكفله................لا دودشه يعرف ولاتهوايا
ولا للدلال طريق يوم عرفله...........قزون حن لاخاله ولاعنايا
بين الضراير عاش وحده سفله..........عيابه ولخرا بالردا دعايا
وباب الغلا مقفول واثق قفله......بحروف رصد خطن في قدم حنايا

وهي بالروقه........................تخايل ونا عقلي طويل شروقه
من ضيم ياسه والوقت شاين لوقه.....نين مندلي زاطل حذا الشرايا
ولاتقول كان لهم مقابل سوقه....ان سومه وكس قالوا يزيد ارقايا
من نار بوخجل ماحن زداوي فوقه..يبانن ضفايف كي زرايب ضايا
واليوم الغلا بادن بياد عروقه ........نا وانت خلانا الياس هتايا

وهي هفافه...........................علينا وديمه خاطري بريافه
عليهم وهي كانت اسباب تلافا........او وين مانما بارجاعها وتحايا
عرق الربيع قتلت صار صيافه...........ومالزرع مانميت لا ورايا
وغايه الغلا كسد وصار جفافه..........بشعله وريح ملاطشا سفايا

وهي شواقه.......................وهالعقل ديما ضايقات اخلاقه
عليهم وديمه مستمر ارياقه..........ومالدوج يجنى اتقول جنايا
ولايريد في غير العزاز علاقه.......ولايريد في والي رشوق ادمايا
امفيت العقاير ورمضان رفاقه........وبوبكر ساسي موكلام ادعايا
محمد ولد بوبكر زين اخلاقه.........ويوسف مع عمران بس اكفايا
ولانكرهوا والي امغير زماقه......ازموق بس عالدنيا وهي رضايا

وهي بالذكره.......................تخايل وديمه خاطري في فكره
حذاها وهي بين الوفا والنكره.........اتخاير انظرها كي تدير معايا
ولاني اللي نروه بنفخ الزكره............كيما يباتوبا اوحود روايا
واللي ماتجيك اليوم تاتي بكره......وصبرك علي ظلم العزاز هدايا
وخرابت الغلا من هول يوم السكره.......يا ويلهم ساعة وفا المنايا