المرهون

مراهين ومنهم مليوع **** عليهم ديما ناصب نوع

مرهون بدينه قاهرني **** لا خلصني لا ناكرني

مرهون بقولة راجيني **** لو ناكر لا يسلك ديني

مرهون بقسوة عاملني **** حس بناري وجاهلني

مرهون بنار محاذيهن **** كل نهار يلذع فيهن

مرهون وحاله عذبني **** لا سيبها لا سيبني

هواينا ابقي مرهون******ايجينا ولا نومنا احلي

مرهونين وشوقي فيهم **** خايف ما نقدر نطريهم
مرهونين اكبار ضناهم **** مازال العياط وراهم
مرهون وماهو يالاكن **** طار النوم وطار هناكن

كبدى يا مرهون احرقها @ لاتشحت لانك سارقها

السلام عليكم ورحمة الله وبركاته

هذا من جديد لكم ايوة الاعزاء واتمنى ان تنال اعجابكم ولكم مني جزيل الشكر والعرفان اخوكم طيب ليبيا
1_جريتك علي لوهام سبب عماك ياعين نا اللي
2_جبد سريب جابك فيه بكا العقل ماحوته سكت
3_جروح ياعزيز غلاك م الغيبه برايا ع العدم
4_خطاهم اللي دراوهقبلوا جميل هانوا باعلي
(ح)
1_حال غايتي في الصوب وان صار الخطا مانضره
2_حسيبك الله ياعين بلاهم أنجا نومك هني
3_حتي وانت فيك الياس خلق الله توقاتك فرج
4_حتي لوبكيت نريض مصبا عزيز ماعاد ناجده
(خ)
1_خطر ودارلك مشغال عزيز قبل ياعين ناسيا
2_خاطر عليك عزيز اليوم وامس ياعين باكيه
3_خطاي من خطاك سبق خطاك كافيت بالخطا
4_خليتهن ضلل في قيظ ياعزيز حيران خاطري

(د)
1_دعاي ياعزيز عليك ادعا حاج مولاي قابله
2_دموعك عليه حلال عزيز كيف ياعين والدك
3_ديما اقبال العين عزيز ياعين ذيبلك
4_دموعي علي الولاف أسقطن في صفاء داران حفر

ميت موت عليك مرايف..........نبي نجيك ولكن خايف
حتى كان قصير طوله ............يمشي في مشية معدولة
ياخالق للروح انفسها.............ماتغيب ع العين ونسها
لانسحر لاندير كتيبه ..............اللي انحطه في راسي اجيبه
لانسحر لا ندير كتايب ..............هو بروحه فيا دايب
داير روحه مش معدل ............كل عشيه يجيني مبدل
مانحساب كلامه ليا ..............يعاود فيه لكل بنيه
كل الناس اللي لاموني ..........وين شافو عيونه غدروني
دز كروته يقهر فيا ...............قتلته بفاتحتي المقريه
حتى كان بنات مدارس .............عدادات عيون الفارس
تعال اخطب ياولد الجار ............بلا غمزات ولفت انظار
مجروحه جرحي قواني..............من نظرات وليد جيراني
وليد العم ضباطه وخفه ............لكن ما يحلم بالزفه
حتى لو حفرولي قبري.............ماناخد واحد يقربلي
اللي رافع خشمه ع الكل................معايا لا يربط لا يحل
مريضه مانبيش حبوب .................مريضه نبي هالشبوب
لانفرح لانقول الفرحه .................لين الغالي يشيل الطرحه
كان سكنتي في ترهونة ........نسكن في ودان وراك
وكان ركبتي صابونة .........نركب في بيجو وراك
وكان تغديتي مكرونة ...........انديرولك كسكاس براك
وانتي كيف الصقر عيونه........وانا كيف البوم وراك
على قديم صار اقتال ... العقل شهيد والياس قاتله
بكيت على قديم اغلطت ... جا جديد عزانى ومشا
قضيتن ابكاى وخلاص .......... اسنين الزها ما ريتن
رديت عالبكا ملزوم .... مليان والمشاكي شاويه
قضيتن ابكاى وخلاص .......... اسنين الزها ما ريتن
رديت عالبكا ملزوم .... مليان والمشاكي شاويه
ابكا عليه قبل ايصير ... خطا عزيز واحيه خاطرى
ايريدن من النهار اشوى ... بكا اليل ما عاد سادهن
تباكن ودارن عزم .. وسكتن كيفهن كيف غيرهن
لو كان يا عزيز ابكاي.... عليك دين وايش ايخلصه
حضورك على سهوات .... بكى العقل والعين يا علم
بعد بكاه وان تغيب نقص ... عزيز ما نامن لحد
///////////////////////////////////////////////////////////////////////
1/ارضى بياسهم يا عين وانسى عزاز مرجاهم طول
2/ايام الياس مكتوبات لهن اجل يا عين يكملن
3/بعد رديم الياس شقيت نار لولاف لهلبت
4/حتى والمواير ياس غلا عزيز نا ما نتركه
5/خلصت من ديون الياس العين لا عليها ولا لها
6/رحيل خاطرى مغلوب م الياس لا بات لا ركح
7/زعما يا ايام الياس انتن معاى قيس ايش طولكن
8/زويت يا الياس عزيز بقيت لا ذرا لانى فزع
9/ستين ياس بوهن ياس ان غاب ياس ما راى دبرن
10/سقوها سموم الياس تحسابه دوا يا نويرتى
11/شارك الياس خلو يدين سبايب لطوطك يا عين
12/صيور صبرنا ماحيه الياس مو على طول عمرنا
13/العازه والياس رفيق عزيز غاب خلانى لهن

عبد الكافي:
انموت ونا عندي ذنون عقاب اديون على المرهون

منور وبارك الله فيك

ابكا عليه قبل ايصير ... خطا عزيز واحيه خاطرى
ايريدن من النهار اشوى ... بكا اليل ما عاد سادهن
تباكن ودارن عزم .. وسكتن كيفهن كيف غيرهن
لو كان يا عزيز ابكاي.... عليك دين وايش ايخلصه
حضورك على سهوات .... بكى العقل والعين يا علم
بعد بكاه وان تغيب نقص ... عزيز ما نامن لحد

انريد القديم ايعلم ..... دورت جديد ويضوق الوجع
ايجيب ما ايجيب القسم ..... واخذ اقدم ما ايجيب كيفهم
مليان غير داير عزم ...... ارياف عالمواهيم والقدم
نضايق ان كان كميت ....... تسكيبى ضرورى عالقدم
عالعقل لافيه بالعرض ....... افراق ناس واوهام يشغلن

نسريله اونا ممطور ...... شكيع برق فى غيم القدم
حالف ماندير جديد ....... علي قديم كبدى ذايبه
مالقيت درب ايشيل ..... منك بعيد يا دار القدم

سفيت عالقديم رديم ..... واقصر جديد هو زاد نردمه
اتريد عزم ومهايه ..... تخطيمتى علي دار القدم
امرايف او جوه منام ..... العقل دار ليله عالقدم

ما القيت لجديد مكان ....... اللي اهناك جا دوب القدم
تلذيع القديم اقهرك ....... اندرتى جديد يالعين شاورى
طشاش اوعوين اوهفو ...... وراى دايره نار القدم

طشاش اوعوين اوهفو ...... وراى دايره نار القدم
الماشى انوصوا فيه ...... والجاى عالقدم فيه ننشدو
يحكيبكم ونا ناهيه ....... اوحلت في عقلي ياقدم

خطملي شايل واشونا .. ما ضحكن لي غير عيونه
يا مرهون مراتك نيه .. وين نجيها تفرح بيا
"عالمرهون نويت انازع..جيت بطياراتي فازع"
"شالت فيك العين نظرها..يامرهون اجبر خاطرها"
"يامرهون النوم خذيته..ايش اللي ليا خليته"

صوب جديد انضاري شدن*** يالقديم ايامك عدن
علي ما دويته بالسم ***الخاطر مو ناسي لقدم
انكابر و نا ميخوذ*** فاقد قديم و نقول ساهله
ع الميزان جديد لقيته*** يوزن كل قديم انسيته
خديت عليها يالقدم ***البكيه و المسحه في الكم
ماتبي يا عين نصايح ***شور قديم في كبدي طايح
متخايله منام قديم ***لها ايام من النوم خايفه
صوب جديد كبر في عيني*** ماعاد قديم ايبكيني

لا اله الا انت سبحانك اني كنت من الظالمين

تهاييت يامرهون ... فرقت بين عيني ونومها

اخر معلقات ابراهيم بوعزيزة وفتحي ادريس وابراهيم الضلعة في يوم 30/4/2010
القيت في ابكاي عليه تنفيسها على روحي اشوي
مابه ايلوم العين القايس اموالي للبكاء
من غيبتي ابهن عاودت حجيج ابهن جيت للقدم
الياس ماخطيك نهار من ساعة اترومي قلتلك
فتشت خاطري والقيت حشيشته قديمين من القدم
لطوا في غلاء حساد الها الوقت عقلي واجعة
ايسوق في عزيز القسم هلب اديار مازال ماركح
هايبينها من العمر كمين دار في دار قابلت
ياعزيز راك اتسيب اديار واجدن ولا شعفتهن
هلب اديار ماللهلب انظر قديم عقلة اشقالة

ولكم مني اجمل تحية

تلافينا انا والمرهون اكملنا شيل وحط اعيون

مرهون بقسوة عاملني **** حس بناري وجاهلني

يا مرهون مراتك شينه .. طلقها وناسب ولدينا
نار المرهون المدسوسا .. تسطر كيف سطير السوسا
يا مرهون اخبارك جني .. في حوشك مانك متهني
وين شلت عيوني في عيونه .. مرهوني سيب واشونا

مرهونين مشوا قدامي ........... زامطها وانقول قسامي
الخـاطر خلوه مراهيــن ............. حطب يابس بين كواني
حتــي كان خذتني ميته ............ للمرهون انجي عفريته
يا مرهون اكمل تفكيري .. ............فيك وتفكيرك في غيري
ننصح فيك علي حالاتك................... مرهون امطول عازتك
اسمله يا مرهون عليك............. اللي ما طالك يقرض فيك:
امغير انبصر ع المرهون ....... الا الفاضى مادونه دون
منور ومزيد والمزيد مشكور

مشكور على هذا الطرح الرائع جداً

اذا راى احدكم من أخيه ما يعجبة فليدع له بالبركة **
اللهم زدنا ولا تنقصنا
واكرمنا ولاتهنا
واعطنا ولاتحرمنا
واثرنا ولاتوثر علينا
وارضنا وارض عنا ***
اللهم احسنت خلقي فأحسن خلقي **
للهم اتني الحكمة التي من اوتيها فقد اوتي خيرآ كثيرآ...

النار اللي ما من مرهون ** عطيبة لذعتها بالهون

اللهم اني اسالك الهدى والتقى والعفاف والغنى