بطنك في ورطة ههههههههه

مرحبا حبايبي
جايب لكم فكرة موضوع أعجبني وأتمنى تعجبكم..
المطلوب : اني أنحصل واحد من الأعضاء بالإجابة على الأسئلة
واللي يجاوب يختار اللي بعده من الأعضاء :
بمعنى/// تكون كررشته تحت المجهر ونستكشف
اشيااء مهمه عن كرشته
أتمنى انكم فهمتو ا الفكرة...!!
نبدأ بالأسئله :
(1) كم وجبه تآكل بـ اليوم ..!؟
(2) شن وجبتك المفضله [آللي مآ تقدر تستغني عنهآ ]..؟
(3) أنت من النـآس آللي ((يعصبوا او يتنرفزوا)) إذا جآعوا ..؟
(4) أول مآ تدخل السوبر مآركت أي قسـم بطنك ترفعك له بدون شعور ..؟!
5) هل صحيح مقولة [ الطريق إلى قلب الرجل معدته ] ..؟!
(6) مآ رأيك في قول [ لو تبي مراتك ترضى عنك جيبلها اكل جاهز ] ..؟!
(7) إذآ دخلت البيت و أنت جيعآن مووت ومآ لقيت الأكل جآهز شن ردة فعلك ..؟
8 شن الأفضل عندك أكل البيت أو أكل المطعم ..؟!
(9) تحب تآ****روحك أو تآكل مع جمآعه مع ذكر السبب ..؟
(10) إذآ كنت من النآس آللي يحبون الأكلات الشعبية أي نوع منها تحب.. ؟!
(11) لو كنت معزوم / تحب تكون العزيمه وجبة دسمة شعبية والآ بوفيه ..؟
(12) أنت من النآس آللي تحب تآكل بين الوجبآت ..؟! إذآ كآنت إجآبتك نعم
وشن تحب تآكل :
[ شوكولاتآت وَ لآ شيبسآت وَ لآ فوآكه ولا أي شي ثاني].. ؟!
(13) إذآ كآنت شهيتك مسدوده عن الأكل من تختآر من الأعضآء يآكل معك
عشآن تنفتح شهيتك ..؟
(14) شن الطبخه آللي تضبطهآ و خاطرك تعزمنآ عليهآ أذا أنت قدّها / صورها لنا ..
(15) بكل صرااحــــــــه كم وزنكـ وطولــك ..؟!
وبأبدا وأختار.
العضوة المميزة الاخت دلع لانها مشرفة المطبخ
واتمنى الفكره تعجبكم .

السلام عليكم ورحمة الله وبركاته

تبي ترد ثارك يااسطورة ههههههههههههههه

فعلا فكرة حلوة

انا تعجبني المواضيع اللي فيها نشاط وحوار واخذ ورد

لانها تجدد حيوية الاعضاء ونشاطهم

المهم هيا انتوكلوا على الله ونبدوا

بسم الله الرحمن الرحيم

(1) كم وجبه تآكل بـ اليوم ..!؟

انا الفطور مانفطرش وبعدها حدث ولا حرج اليوم كله اوكال ههههههههه
خصوصا سندوتشات آخر الليل
(2) شن وجبتك المفضله [آللي مآ تقدر تستغني عنهآ ]..؟

البيتزا

(3) أنت من النـآس آللي ((يعصبوا او يتنرفزوا)) إذا جآعوا ..؟

اكيد انعصب لان مافيه حد يقدر ايتحمل الجوع

(4) أول مآ تدخل السوبر مآركت أي قسـم بطنك ترفعك له بدون شعور ..؟!

انا مانمشيله ديما لكن كان مشيتله اول شي الشكلاطة

5) هل صحيح مقولة [ الطريق إلى قلب الرجل معدته ] ..؟!

اللي قالها صادق في قوله لكن حتى الحب والحنان يوصلوني لقلب الراجل

(6) مآ رأيك في قول [ لو تبي مراتك ترضى عنك جيبلها اكل جاهز ] ..؟!

احسن خليكم على الجاهز بيش زوجاتكم ايتريحن شوي

(7) إذآ دخلت البيت و أنت جيعآن مووت ومآ لقيت الأكل جآهز شن ردة فعلك ..؟

انعدي طول للمطبخ وانطبخ اسرع وجبة وانا ساكتة لان مافيه حد بيعدل عليا وايطبخلي هههههههههه

8 شن الأفضل عندك أكل البيت أو أكل المطعم ..؟!

انحب اكل البيت وحاجات معينة من المطاعم

(9) تحب تآ****روحك أو تآكل مع جمآعه مع ذكر السبب ..؟

والله حسب الموجود كاني جيعانة ومافيه حد ياكل معاي ناكل بروحي صحتين

وكان فيه حد بياكل ايتفضل

(10) إذآ كنت من النآس آللي يحبون الأكلات الشعبية أي نوع منها تحب.. ؟!

الفتات

(11) لو كنت معزوم / تحب تكون العزيمه وجبة دسمة شعبية والآ بوفيه ..؟

البوفيه احلى طبعا

(12) أنت من النآس آللي تحب تآكل بين الوجبآت ..؟! إذآ كآنت إجآبتك نعم
وشن تحب تآكل :
[ شوكولاتآت وَ لآ شيبسآت وَ لآ فوآكه ولا أي شي ثاني].. ؟!

انا انركز على الاكل بين الوجبات اكثر من الوجبات نفسها هههههههه

ناكل سندوتشات شكلاطة فواكه اللي موجود قدامي كله لكن الشيبسات مانقبلها بكل

(13) إذآ كآنت شهيتك مسدوده عن الأكل من تختآر من الأعضآء يآكل معك
عشآن تنفتح شهيتك ..؟
؟؟؟؟؟؟؟؟؟ مانقدر انجاوب خوفا من الاحراجاااااات هههههههههههههه

(14) شن الطبخه آللي تضبطهآ و خاطرك تعزمنآ عليهآ أذا أنت قدّها / صورها لنا ..

والله توا ماعندي صور لاكلات لكن تفضلوا واطلبوا اللي تبوه

بازين - فتات- كسكسي- رز- رشدة كسكاس- امقطع(رغيدة)- اي نوع من الشربات- بيتزا- مشقشقات- كله من عيوني انتم اطلبوا وادللوا ودلع ليبيا جاهزة

(15) بكل صرااحــــــــه كم وزنكـ وطولــك ..؟!

ليش الاحراج يااسطورة

الطول 169 تقريبا

الوزن 62

مشكور يااسطورة على هالورطة اللي حطيت بطني فيهاا ههههههههههههه

واتمنى ان الاجابات تعجبك

تشكري دلع علي التفاعل والاجابات الصريحه
مفروض انك تختاري اللي بعدكح ايجوب

لطالما الاخت دلع والاخ الاسطوره مااختر العضو اللي يحكي بصراحه علي بطنه ان نتفضل وبعد الاجوبه تو نختار عضو :
(1) كم وجبه تآكل بـ اليوم ..!؟
2 وفي ليل بكل وجبه رائسيه
(2) شن وجبتك المفضله [آللي مآ تقدر تستغني عنهآ ]..؟
اكيد البيتزا
(3) أنت من النـآس آللي ((يعصبوا او يتنرفزوا)) إذا جآعوا ..؟
لا خخخ احيانا
(4) أول مآ تدخل السوبر مآركت أي قسـم بطنك ترفعك له بدون شعور ..؟!
الحلويات
5) هل صحيح مقولة [ الطريق إلى قلب الرجل معدته ] ..؟!
الله اعلم
(6) مآ رأيك في قول [ لو تبي مراتك ترضى عنك جيبلها اكل جاهز ] ..؟!
لالالا مافيش خير من ان تاكل من ايدها يكون طعام له لذه خاصه
(7) إذآ دخلت البيت و أنت جيعآن مووت ومآ لقيت الأكل جآهز شن ردة فعلك ..؟
نقولهم بسرعه باالاكل
8 شن الأفضل عندك أكل البيت أو أكل المطعم ..؟!
البيت مضمون 100%
(9) تحب تآ****روحك أو تآكل مع جمآعه مع ذكر السبب ..؟
لا مع الجماعه حتي الواحد تجي نيه في الاكل
(10) إذآ كنت من النآس آللي يحبون الأكلات الشعبية أي نوع منها تحب..
العصبان
(11) لو كنت معزوم / تحب تكون العزيمه وجبة دسمة شعبية والآ بوفيه .
طبعا انا معزومه مايحقلي اني نشرط خخخ
(12) أنت من النآس آللي تحب تآكل بين الوجبآت ..؟! إذآ كآنت إجآبتك نعم
وشن تحب تآكل :
[ شوكولاتآت وَ لآ شيبسآت وَ لآ فوآكه ولا أي شي ثاني].. ؟!
شوكولاتآت
(13) إذآ كآنت شهيتك مسدوده عن الأكل من تختآر من الأعضآء يآكل معك
عشآن تنفتح شهيتك ..؟
محمد صالح المرتجع وهو عارف علاش
(14) شن الطبخه آللي تضبطهآ و خاطرك تعزمنآ عليهآ أذا أنت قدّها / صورها لنا .
الطبخه هي المكرونه وتعالي وتو نفتلكها لكم .
(15) بكل صرااحــــــــه كم وزنكـ وطولــك ..؟!
وزني 100كيلو
وطولي 170سم

والعضو اللي نبي نخختاره هو الاسطور