شتاوة علم علي المرهون

من طرف يوسف منعم امهدى 2010-05-10, 2:43 pm

يامرهون عطينى حقى................ ومسامح ف اللى متبقى
مرهونين وطال رجاهم .............. ياريت الخاطر ينساهم
يانار المرهون خطينى................ نستاخر منك وتجينى
يامرهون كلتنى نارك................. يلاك ودونك واصدارك
يامرهون اعذارك جنى................ لكن راهن ماولانى
يامرهون اخبرك جني.................متكدر مانك متهني
انحز يامرهون سريبك................ ع الخاطر معاد يجيبك
ف المرهون انشلت اعيونى......... ينقدنى لقصى والدونى
لو مرهون علينا ماوى.............. راه سطير جرحا مداوى
هو مرهون ونا فى حالى............... ماوالى طامع فى والي
اللى غلاه مرهـــــــون ............... دواه صبر ياطـــــــــــــول عـــزاته
جروحك يا مرهـــــــون تمادن......... اتقول امفجرهن بن لادن
خذينا يامرهون عليك................ سوا لنا ما لنا فيك
يامرهون أجبر بالخاطر ............. عد وراك دموع قواطر
تكسيرة عيني تكسيرة ...............مرهون أمجاورها جيرة
جيرة مرهونين عطيبة.............. ما جابت لي غير الغيبة
تطري في مرهون بروحك ............... تحسابيه دوا لجروحك
عندي في مرهون تجارب ............. يوم ودود والآخر خارب
يامرهون أمدردر جوي .............. يوم أمعاي ويوم عدوي
اللي وجعتني في مرهون............ أمغير أسمه داير واشون
وين عليه أنصبر عيني............... لعندي مرهون يجيني
وين نريد أنشد عزامي.................. مرهونين يجو قدامي
شوق المرهون المطاول........... داء جاير من غير أمساول
أخطينا صوبك يامرهون .............. أنعدو في قاب الواشون
أغلطتنا غالينا مرهون................ أموشن قدامه واشون
يامرهون شغلت أنظاري..............ياريتك عني متواري
تباعد ياريت المرهون .................المتواري ع العين يهون
هون يامرهون عليهن ............... مره مره بحت فيهن
بالك يا مرهون ظليمه ............. تبينى نبكيلك ديما
رضينا يا مرهون عليك ............ رضا ما نلته من والديك
المرهون مخصصلي رنه .......... عارف الانظار يريدنه
يامرهون خلاص اعذرنى ............... من نارك راك امقطمرنى
مرهون نسيتا ونساني ............ما شيبني غير زماني
عندى ع المرهون دلاله ......... نغمزله قدام اعياله
يامرهون ايش نديرولك ........... تغمز وعيالي فطنولك
ارعى العيبه يامرهون ...............تحشم قدام الواشون
مرهونين مشوا قدامي ........... زامطها وانقول قسامي
الخـاطر خلوه مراهيــن ............. حطب يابس بين كواني
حتــي كان خذتني ميته ............ للمرهون انجي عفريته
يا مرهون اكمل تفكيري ..............فيك وتفكيرك في غيري
ننصح فيك علي حالاتك................... مرهون امطول عازتك
اسمله يا مرهون عليك............. اللي ما طالك يقرض فيك
علي فكره المرهون معناها (المتزوج)

شتاوة علم علي المرهون 944316

من طرف **STAR** 2010-05-19, 10:14 am

مشكور على هذا الطرح الرائع جداً

من طرف يوسف منعم امهدى 2010-05-21, 2:44 am

مشكور اخى الكريم على المرور

من طرف c.ronaldo 2010-05-23, 2:43 am

طبيبى ابقى مرهون * وياداء العقل نشكيبك لمن
طبيبى ابقى مرهون * وياداء العقل نشكيبك لمن
طبيبى ابقى مرهون * وياداء العقل نشكيبك لمن

من طرف يوسف منعم امهدى 2010-05-30, 12:33 pm

مشكور اخى الكريم على المرور

من طرف طيب ليبيا 2010-05-30, 1:59 pm

عزيز هو ربيع العين ?? رفيق عمر محال ينتسى
زعلان خاطري عا الوقت ?? عاكس عليه ما يوم ساعدا
العقل ما نسيهم يوم ?? مرايف على طول يأسهم
سريب غيركم ما جاب ?? الخاطر على طول ما فكر
العقل ما نساكم يوم ?? حتى فى صلاته تخطروا
حتى كان زعاله عدو ?? تكويهم ناري وايردوا
العين ما نست مرهون ?? وفي الحول مرة تشبحه

من طرف يوسف منعم امهدى 2010-07-10, 2:45 pm

شكرا لتشريفكم متصفحي على الدوام وهذا تقدير منكم وكم يسعدني تواصلكم على الدوام دوما" تقبلوا مني أرق التحايا دمتم بكل الود والسعادة

شتاوة علم علي المرهون

شتاوة علم علي المرهون

رد: شتاوة علم علي المرهون

رد: شتاوة علم علي المرهون

رد: شتاوة علم علي المرهون

رد: شتاوة علم علي المرهون

رد: شتاوة علم علي المرهون

رد: شتاوة علم علي المرهون