لشاعر سعد بوخويدم

يبقالك عدو فاخر الوقت ... ولد بوك وامك وصارت


أحترت فى التحاسيب وأشفقت ...والنار وأصهرت نين جارت

وأيدي على أيدى صفقت ... والى أحتارت أنهارت

ومنيش مالعجب ما أشوقت ...والناس ع المواجع أجارت

جواد الحياه وين طبقت ... على خيل غزيان غارت

خذيت الخلا فيه وأزمقت ...نين شمس غيضى توارت

وجيت للمواهيم شققت ... وريت مًزنت العين عارت

وتمت أتهيل.. ونشدت القمر فأخر الليل.. والدير والبلط والعقاير

ونشدت العقل ومشاميل ...ونشدت الخلع والبكاير

ونشدت الخلط ومعازيل ... وروس الحسك ف المطاير

وجيت للجبل والجلاجيل ... ننشد ودايخ وحاير

على من جرت السيل ...وين ينطرا ويش داير

من حاشن المشا والمهابيل ... وهن امغير كيف الضراير

الليل يقسمن فيه بالكيل ...أسمور كيف قسم الغراير

متاكي على قلت الحيل ...وقل صايبات الدباير

وياس كيف تقل المشاويل ...على كيعمات الوتاير

أخلال خالفه طق تنقيل ...ماو لكل حد يا فكاير

وايشل الجمل حمل ويميل ... ويصير كل شى بالقداير

فيش تنضرن يا مشاغيل ...يا مراجيات البشاير

حطيل دمعكن كان ماو هيل ...أتقول تكبرن فى خداير

انكان غير داكن مكابيل ...من ياس الغلا فى خساير

يا ما جرن من تهاويل ...عليكن انمل الفتاير

انكان عندكن للبكا حيل ... أنقول خير دس الدفاير

يا نا قايدي طقر تنعيل ...أيطول فالنعل والمكاير

القول نرتعب من المغاييل ...أنجاب غيض والقدر فاير

وما أنريد ع السامع أنطيل ... شهير دبو دين الحراير

هاك هالقدح يا مغيليل ...أمخرزق عسل ماو عزاير

وما أنريد للنفس تهليل ... غلا أسباب جبد الجهاير

العقل كى كماداه تبديل ...أيبان ع الغلا مالمواير

وزناد الخطا من المعاويل ... على امشاط خونه امخاير

الى هى سبب هالمناويل ...ونزحة شراب الغواير

امفيت هى الى تنسا الجميل ...وتنقظ شميط العماير

وحياة عينها عين الهميل ... ما تنعطا للطير طاير

بالله يوم يمسن هجاجيل ...ألخيل دم الهن تغاير

رصار حمر فيه ورجاجيل ... وفيه خيل قرح نكاير

ايزيد غيضهن من التواليل ...أمزاوات بخش التداير

وانكان الخطا ساب الدليل ...ويش تشرعوا يا سهاير

هذى سيدها رد ع الخيل ... أسياق امها بالنزاير

هذى ماى ارباوت مناعيل ...غزال دف عاشر عشاير

هذى ديها بالمعاديل ...وخزر عينها سيف جاير

مرادى جررها طويل ... أسقتنى امرار المراير

او حق دينه دين الاسلام الي بين الاديان ضاوي
مافــــــــــــــــــــــــى هالعقل عد عندك شريك

اوفيك اوصاف ماهن غير فيك.. اعيونك هلع وهدوبك عشان

صباحك نين شاغلني عليك ..شريك ابحزن اشرشف جفانه

حواجب قرن عطايط عطيك.. نداوي عصر صادرهن رشـــان

كنيني ذاب من تحت الاحنيك.. ارواقه نين يقدح فـــى طشان

لويتي ايدي الله يهديـــــــــك ..يوم نويتى شيلك للكشاش

اونا تميت ناوي للرحيل
اوحق خالق الليل واسهيل والسيل والنيل والمصابيح
اوخالق الخيل الى جيدات عزمي رق منك ياخطور
الى مابيت ترسلي جواب

و نا منهاس من كثر السمور..شبابي ضاع واضروفي اصعاب

كنك فى يابو اعيون حور.. هدبهن شر من روس الاحراب

يابو شوف كي شوف النكور.. يابو دور كي ريش الغراب

كيف انجيك.. خاف على من رد الوجاب
قلبي راه ذاب.. او عقلى غاب.. من طول الغياب
اوراسي زاد شاب.. بين الناس كيف اني غريب
اوتنشد فى وايش الي جرالى
غاب عزيز قلتلها نصيب!!!!!لشاعر سعد بوخويدم