عليش ليش ياقلب خفاق

**************قصيده للشاعر ارويعي موسى الفاخري**********
عليش ليش ياقلب خفاق---------------------اليوم طاير الا طياره
وبين عوج لضلاع صعفاق-------------------والشوق شايطه فيك ناره
اغلبت عادتك يالعشاق----------------------وعاودت النظر في انظاره
نين نفذن فيك مزراق----------------------ابقيت ترتعد من احلراره
هذي خاتمة خطف لرماق-------------------واتصنت اقلوب العذاري
ابقيت للنوارين دقداق---------------------امعاك يولعن من شراره
اتقول شايلك سيل دفاق-------------------تمشي للبلا في اوكاره
واتجي واكله جمر حراق------------------وهاريك دكم الغداره
تمشي شايلك حلم براق-------------------وعين ضاحكه للبشاره
واتجي كاسرك سيف لفراق----------------عليك رايحه ياخساره
واتعاود بعد ضيق لضياق-----------------مع كل ردة اجباره
وعليك وين عدا بلشواق------------------اللي وينما اغلي تواره
اترف رفة الطير لافاق------------------ترقى اتحوم وادير داره
امن اي المنا يالشواق-------------------بامبات الهنا في اجواره
وينوض زعازيع لفراق-----------------واتبات في خلا صقع داره

*************************************************
وسلمتووووووووووووووووووووووووووووووووووووووووووووووووووووووووووووووووووووووووا

مشكور ياخوي اسماعيل على قصائدك الرائعة

تسلمي دلع ومشكوره علي مرورك الكريم

لك الشكرعلى هذه المشاركه

رائعة مثلك

تسلم يابوحميد وردك اروع
مشكور علي مرورك الكريم