محادثة بين العقل والعين

قالت العين

عليا كنّك ..**.. لين نزحن دموعي كيف ماشغلنّك
متغير معايا ليش
ماهو حالك .*. الله والنبي احكيلي على موالك
ويش غيرك يلاي ويش جرالك.*. قاسي وناسي ايام نرفع عنّك
اياما وهو دمعي فزع لسوالك .*. والليل نسهرة وفي صايب ظنّك
واليوم هنتني وغيّرت كل اخصالك .*. لاعدت بي مشغول لا همنّك
طروحي ونوحي اويش قصرة مجوالك .*. شور العزيز اللي ف شانة جنّك
دموعي ونا مانريد يوم زعالك .*. امغير الحقيقة قول ويش حازنّك
عنه اديار اللي زمان دلالك .*. وكاين دلالي هات نسمع منّك
عليا كنّك ..*.. لين نزحن دموعي كيف ماشغلنّك
متغير معايا ليش قال العقل
يالعين يالغضيبة ..*.. تبكي عليه وما ابكاك ايجيبة
غلاك وغلاي
يالهبيلة .*. عنك عزيز اليوم شال رحيلة
تباعد تناسى ايام نا وافيلة .*. تغيّر وجت من جلوته العطيبة
جفاني وجفاك مناي فايز جيلة .*. عنوة وهي داري احداه قريبة
ماعد ايريد ايجي ولا نمشيلة .*. بعد هانّا ياعين الله حسيبة
ولقيته بلاه الصبر خير وسيلة .*. ايهوّن علي فرقة عناق جليبة
كفّي دموعك خلّك اليوم مثيلة .*. غلاك وغلاي اللي ارضي بالعيبة
وانكنّك على دمعك معاي انشيلة .*. وانعدة عليّا حق غير ارضيبة
جفاه وخطاه ومنّك انريد بديلة .*. وايعوضلنا مافات عالم غيبة
يالعين يالغضيبة ..*.. تبكي عليه وما ابكاك ايجيبة

تشكر اخى الفاضل على هذه الاسهامات الرائعه واتمن المزيد يانجم

تقول العين :



العين شاكيه م العقل.... للمولى عريضه دايره
مشاكي العين قلال..... مالها فزاع غير دمعها


و تشكو العين للغير و لكن لا تجد من يصغي لها فتقول


خلاني صغا الايام..... نشاكي للي ما نشغله
خلاني غلا مرهون...... نشاكي لدانون يا علم

...... يتبع



من موضوع تاكه بين العقل والعين

امنور يا ستار

حسادك يا عين ماحوا.....كيف ابراج امريكا طاحوا