اتهون المحبه ليش(ابو فرح,ابوريان,جوهره)

هده القصيده مشتركه قالها الشاعر ابوفرح ( حميد الديب)
رد عليه شاعرنا المبدع ابوريان (عبدالله قراب)
تما رديت عليه انا جوهره( بنت البدو)



قال ابوفرح
اتهون المحبه ليش هذا ظلم
تهجر وتترك لاخبر لا علم


أتغيب عني لا تسال لا تنشد عليا كني
لا ادير رنه ادزها اطمني
لا مسج تكتب لا اتجي في حلم

لا كتاب منك لا سلام اوصلني
ايخلي لهيب الشوق برد وسلم

لا اتقول غالي الشوفتي متمنى
ولا اتقول عزمه خار ضاق العلم

مصدوم منك فيك خايب ضني
بدلته غلايه بعيب زاد الألم

جورك علي هاس خاطري بهدلني
حرقلي كنيني وجفف احبور القلم

وصلت هذه الأبيات الي الشاعر المبدع بوريان فقال :

ليش الهجر
مليت الانتظار حاس بضجر
حجروك ياغالى بعنوه حجر
مازلت متوخى طريق السلم

صارحنى ويحسن لك الله الاجر
حاسس غلانا صار فيه الشلم

وحق من واظب فى صلاة الفجر
حدود غايتى انته وأجمل حلم

لاكن انا؟؟؟ مليت رقص الغجر
قصة جميلة وتنتهى بالفلم

اتهون المحبه ليش هدا ضلم
تهجر وتترك لاخبر لاعلم

قالت الجوهره(بنت البدو)

تهون الود..تبعد تجازى خاطرى بالصد
خليتنى ما بين جزر ومد
لا القيت مرسى لا شواطي سلم

حيرتنى مابين هزل وجد
رهينة اوامر والاوامر ظلم

كدرتنى هديت فكرى هد
تبعثر اوراقي وجف حبر القلم

ليش بينا تما التواصل سد
وشارد خيالى بين حلم وعلم

سالت دموعى ذرفها اشتد
خد راحتك نحمل قساوة الالم