راجيت ماجيت...للرويعى الفاخرى,,,

من طرف الفهد 2010-08-31, 11:41 am

راجيت ماجيت مليت ... واجد وطول رجاك
واريت داريت هديت ... دمعى ودمعى فداك
هويت غفيت نطيت ... كى جاب المنام مدعاك
سميت صليت ودعيت ... تصفى يا الغالى سماك
كفيت جميت وبكيت ... ماقدرت واعر خطاك
صبيت هميت جضيت ... ماقدرت انتبع خطاك
ناديت واميت مابيت ... تجاوب جريح ناداك
كويت داويت مابريت ... علل اللى انسيته وراك
عديت جبيت حقيت ... مواهيم شينة وراك
حنيت هفيت وغفيت ... من بعته بعد ماشراك
اتكيت تمنيت ياريت ... نلقى عزم بيش ننساك
عطيت وخديت ورضيت ... بما راض غير كنك عطاك
شديت قويت رقيت ... لعزوم كى ايست دنواك
عزيت رديت لاقيت ... ياسك موكر هناك
شقيت حاييت وهفيت ... من نار يا جميلة غلاك
ظليت انتهيت تهنيت ... تريحت رقت مقساك
نسيت كى اقسيت وسقيت...حرفين خاطرى من اسماك
واطيت دقيت فكيت ...يابيت ماصار من ابناك
ادليت رقيت مامتليت ... يا دلو قاصر ارشاك
غنيت ضميت طقيت ..على عقل شلتى معاك
شتيت واطيت وحكيت ... للناس نشكى بداك