اليوم غير افطنت........نعيم الزوي

من طرف **عبدالحفيظ عوض ربيع** 2010-10-06, 5:51 pm

اليوم غير

اليوم غير افطنت
دروب الغلا مخدوع فيهن كنت
وراهن مشيت

اليوم غير اوعيت
القيتك سراب او حلم فيه مشيت
سبحـــان ربى كيف مـــا حسيت
مـــاتن عــــواطف فيك واشيطنت
عطيتك الدنيا وكل شى خــــذيت
ودرتك زها روحـــى اوفى سكنت
وياما سقيتك مـــن حنـــان ارويت
ويامــا و يامــا خاطـرى استوطنت
ويــاما امعــــايا ف الزمــان ازهيت
ويامــا ابــــودى دنيتـــك لــونــت
الله يرحمك ناسى غلاك انسيت
ومــاضى غرامك ف التراب دفنت

رد الشاعر:: رجب الشيخى
هنا دون
القيت راسمالى ف الحياه بلهون

اللى كنت نحسابه غلا مضمـــون

اليوم ضاع من يدى خلاص ايقنت

مــاعاد عنــدى كيف قبل ايكــون

حتــى ونا واجـــد عليـه حــزنت

عـزيز باعنى مابا غلاى ايصــون

بعد كنت غالى اليوم عنده هنت

انــــودك انحبــك قالــى بجنــون

حسيت مــن قولة غلاه ضمنت

نا قلت موسى وهو طلع فرعون

وازنـــت لكـــن ماصحيح وزنـــت

عليه كنت ديما يا اصحاب حنون

وما همنــى والى غــلاه اعلنت

ثارى الغلا عنده طلــع مشنـــون

ونا اللى غرامه م الصميم ادمنت

وين مــا تلـــون قيس مية لــون

منه نفضت ايدى قتله احسنت