اللي تقرضك ما أتربيك "

" اللي تقرضك ما أتربيك " .." مهدي بشير التمامي



اللي تقرضك ما اتربيك = وذم الرفق فيك عيبة
واللي اتكدرك ما اترضيك = اليا طرفت ع الدريبة
ولا قول عديان يربيك = ولا قول حساد غيبة
واللي ماي فرس بوك ترميك = تبدا حرون وعطيبة
واللي قال لك قال فيك = واللي عايبك ما اتعيبه
وان كان عاكسن عن جلاويك = وان كان غلقت الباب طيبه
اللي امقسمه الله بيجيك = ايجيب من هذاليل غيبه
راك تكتب الزور بايديك = وراك تشهده في المريبه
عليك يشهدن فيد باريك = والشينة اتعاود بغيبه
وما عمر خبزة شريك = طابت بلا حرق صيبة
ولا بالمراسيل بيجيك = تاسفرت واتضوق طيبه
وان كان وسعها ضايق عليك = ولك عزم قاند ربيبة
اطلب الله ياتيك = سريع الفرج رب غيبه
القول نلظمه ماو تشبريك = وانجيبه تقا كل صيبه
ما نفتشه ع الهراويك = لا بيه نشكر عطيبه
نار حاسدك ما اتهبيك = بشواااش تاكل اقليبه
لوح هذي والهي بهاذيك = هذين هن امواير الخيبه

طرح رائع مشكورة