جتني اتوادع سايله دمعتا وتقول انتلاقو من جديد ايمتا وجتني ات

من طرف **زهرة اللوتس** 2011-02-16, 9:00 pm

الــــــــــــــــــــــــــــــــــــــــوداع
جتني اتوادع سايله دمعتا وتقول انتلاقو من جديد ايمتا وجتني اتوادع
يوم سفرها..
جتني اتوادع منكسر خاطرها حزينة وتبكي والفراق قهرها ما أقدرت تكما مزعل عبرتا السمحا اللي كيف الحليب بشرها العاطي عطاها هيل ما شحتا رقيقة مشاعر والفراق قهرها أقعدت سايله بدموع ما كفتا وحتى أنا بكيت الحق ما ننكرها وعيني جميع أدموعها أذرفتا والخاطر مصيبة وكاينا اعتبرها امغيرشي مافيدة طلع ساعتا
وجتني اتوادع سايله دمعتا وتقول انتلاقو من جديد ايمتا وجتني اتوادع
ساعة التوديعا وسيلة الدمعا من اعيون وسيعة وهي اتقول اتجدد من جديد البيعا وجا كيدها علدمع هو فزعتا ولنقانها ساعة لوداع فضيعا وجربتا تجريب ومثبتا لحظتا مثيل السم في تجريعا موش كلحد يقدر علي لحظتا لحظة دقايقها اتمر سريعه اتخلي الحزن مطاول بعد فوتتا ولعاد بعياطا ايدير نفيعا الواحد انعيط والعرب علمتا علي قصتا ايزيدو اخبار شنيعا ويبد هو سبب الناس تشميتتا
وجتني اتوادع
جت لوداعي وتبكي ونا زاد علبكاء مداعي في مره حضر كله الحزن أمتاعي من ساعة اللي جت غايبا بسمتا وتشكي ونا نشكيلها فوجاعي ومرار لفراق اللي بعد غيتا وهي اتقولي خلك القربي ساعي وأنا أنقول حاضر وعبرتي كامتا وأركبت من احذي وانا ثقيل اكراعي ومااقدرت خطوة أنزيد في جرتا وتخض في عبرا وغايبات افزاعي وقلبي قريب الانفلق ليلتا
و جتني اتوادع
فاض حناني ساعة اوداع الصعب للي باني عليه أمالي وحبها وجداني ساكن وما نقدر علي هجرتا وكرهتا اللي جاء ملعرب ينهاني ويقول صارلي كيفك ايام سعتا ودرت صبر داويتبا جميع احزاني وطفين نواريني بعد ولعتا ونا الصبر جربتا جبر لقاني القيتا وما خفف علي قسوتا نار لفراق المن حرق قناني اللي مايخفف شي من قوتا وكثرن وساويسي النوم جفاني سمرت لنجوم انقص في قصتا اللي ذكرها واخذ عليه الساني ومازلت دوم انجض من لوعتا وحتي انفارقتني وغر بي زماني وعني مسافة واسعه حازتا الها وين ما نشتاق من دزاني انطلع علي الشرهات في صورتا بعد انشوفا يبرد صحي ريعاني الصورا اللي لي الحنون هدتا
وجتني اتوادع سايله دمعتا وتقول انتلاقو من جديد ايمتا وجتني اتوادع
مانبيها اتجين اتوادعني الله يهديها امسامح وما نبي انلوم عليه وما انقول ما جتني اتوادع حتي قعدت في مكان ومنزوي خاطيها يوم السفر ماجيت في اجلوتا ولكن اتريد الصدق فكري فيها دقيقه علي الحق ماغابتا وطلت علي وجيت انا املاقيها وصبت بعيد وخايفا صحبتا وشابك قعدت ايدي بين ايديها والقول همت تهمتني ونا نهمتا القول منقطع بلكل حزين عليها وهي علي رايت حزنها ارفعتا
وجتني اتوادع سايله دمعتا وتقول انتلاقو من جديد ايمتا وجتني اتوادع
منقوووول