شتاوي ع القديم

يا القديم اقرب داويهن..راك مطاويح مخليهن

صعيبة ننسى ناس اقدم ......... غلاهم متخلط فى دم

" يالقديم معاهن كنك ... يبكن فيت عليك ومنك

قديم حلفنا ما ننسوه ....... ايدورن ليام ونلقوه

هازي يالقديم علينا ..ماتحساب جديد ايجينا

يا القديم أنسيتك راني ... صاحب صوب جديد لواني

مانحساب قديمك خاطر........ نين نظرت ادموعك قاطر

صاحب صوب قديم قهرنى .....مازال خطاه امكدرنى

ملَكْته عَقلي يا القدِيْم +++ شهُوْد وتبْصِيْم وتخْتِيْم

الخاطر ما ضنى يلتم ... اطرطش بين اجدد او قدم

كبيرة منك يالقديم+++اتعيشني بين امواهيم
أَيْش نْديروا لَك يا القدِيْم +++ ظلَمْت ودرْناك امْظَيلِيم!
نقسم فى دمعك يا عيني ... مابين قديمين و بيني

ميت لي زمان دفنتا....صوب قديمين اتعيش انتا
صَوب قدِيْم ابْقِي كَيْ ظِلِّي ++++ نَنْساه اشْوَي يْخايل لِي

يالقديم احقوقك جنك*** وحنا ياما نبو منك

اقدم نمكر فيهم ونكيد *** احذاهم داير صوب جديد

علي من تخطر يا لقدم...... بعد ياس ملاقانا تم

غيابك يالقديم علي *** شهادة فديني خلف في
عنيا قنيا مكبورتلى .... نار قديم سبب فى قتلى
يا لقديم مضايق علمى ****وين غفيت اتجى فى حلمى

الــلــــه لايـــردك يــالـــقــديـــم كـــان الــــدوه بــتــلويـــــم
يالقديمين تهنيتو *** عين اترف وعين عميتو


القيته يا القديم قديم ***غلاك عليه انريد انصيم


قديم مكثر لمهاياه *** تقول الا خايف ننساه

يا القديم نظرهن دوبك مادارن صوب علي صوبك

افطن لي كان طرو القديم *** انبهت تبهيتت اليتيم
أمسكا يالقديم علي**** أيموت غلاك وعرقه حي
بينى يا القديم وبينك ....ناس اتخرب عينى عينك

اقدم خلوني يامطراي .. امعرض للماشي والجاي

يالقديم ارقد متهنى ....نار بعد نارك ماظنى

يا القديم ارقد مطامن *** راه بعد غياتك صامــــن


الكبد الغبره يا لقدم .... اليوم اتضغر في الكم

أقدم لا قالو هاك دواك .. و لا قالولي موت ابداك

أنسمى يا القديم عليك .. بعد ما صادف قسمي فيك

نار أقدم مازالت تقلي . . . تمشي و ترد على عقلي

جرب يا القديم اللوعه ** درت جديد انريدك توعا

الكلمة وحدة ياالقدم انموت ونا رجاي الكم

النشدة يالقديم اتسد...اتحيد قهاير ملا حـــد

النشده يالقديم علي ....اتوالينى واتقطمر في

وهذه قصيده بعنوان سريب القدم :
وين النوم ايجينى يخطر عقاب الليل و يوعينى
ســريب الـــقــــــــدم
وين ما النوم لفالى نقفز عقاب الليل بيه انشالى
وننسى البعيد اللى على غالى ونقول يا بعيد الدار يا ناسينى
ومنك سبايب داى وتداوينى بلاك مانعيش وشى ما يحلالى
لايم عليك ملام هنى بالى وعد الملامة إن كان دينك دينى
نعنى انموت انكان ما تبينى رانى بعدكم مانريد نغالى
حكالك الخاطر كل ما فى بالى اجبر بخاطرى بالله ما ترخينى
وحدود المنى تبقى قريب لعينى رانى عليك نقول حد امالى
ساعة العقل ارقوده يخطر على مدعى نظيف اخدوده
اياما وانا مغاليه ومغالينى وكلامه وسماحة بسمته وقعودها
الا اليوم كلتنا مسك فى احدوده ولا عاد نطرى فيه لا يطرينى
غلا بنت شقرا هى سبب تكوينه خطرها الا عقلى جبد مجبوده
وسالف وخد وعين ترزى سودة ومشية تجر إن ريته تربينى
ونا من غلاك مريض يا جافينى نين ننتهى يحطو على لحوده
وانت قرعتى والجود بالميجودة وحق خالقى نبيك لو تبينى

مشكوره اختي قطر علي هذه الشتاوي
ننتظر منك المزيد
تقبلي مروري واحترامي
تحياتي لك:
المهندس