يا عزيز اقصفنى.........

من طرف **زهرة اللوتس** 2011-09-07, 5:06 pm

يا عزيز اقصفنى
وان سال دمى احذاك ماتسعفنى
كنى ضلمتك
جيب اجنودك
ارسم وخطط فى حياتى حدودك
وان خــــــان قلبى كمله بارودك
اقتل وهــــدد خاطـــرى وانسفنى
كرك وفرك عاشقـــه فى عـــودك
وضحكة عيونـك وين ما تلاطفنى
جيتـــك بلا تكتيـك نبـــى ورودك
سلمـــت روحـــى قبل ما تخطفنى
يعلم الله صادق وصنت او عودك
حتـــى ان درت العيب وتخالفنــى
ويعلــم الله حبيــت كل قيــــودك
وصوبك معايا ف الغلا ايشرفنى
لك وداد
ما اندير عيب او نخلفه الميعاد
ولا نخون خونة ناس بن جواد
واضح معاك وف الغلا تعرفنى
زادت اللحمه وشــوق قلبى زاد
وبيك معترف لو كنت مو شايفنى
خوذ عهد منى وخوذ فيه اعناد
ما صوب غيرك ف الحياة يجرفنى
وان كــان خنتك جيبلــى جــــراد
اقصف ودمر مالخريطه احذفنى
ولوكــــان نغــــدر بيك ربى راد
اسيــر عنــدك خـــوذنى كتفنى
بقلم نعيم الزوى