ليش تبكي

________________________________________
ليش عليه تبكي يالعين
بدمع يسيل سيلات الشتا
يسدك دمع مانا ظالمين
وللاخير صناه الغلا
بغالي سوم كنا شاريين
ابها لسوام منهو اللي شرا
اولاف اليوم لنا بايعين
بلاموازين كي سوقي رخا
كانو حنن تمو قاسيين
بعد ولعات نسيوه الغلا
جفونا كيف جفوة كارهين
وخانو الود واصلني النبا
اللي بالشر الخير مكافيين
ابما كافوك لاتردي كفا
انسيهم كيف مانسيو سنين
ارياف وقدر واحلام او وفا
سمح الصبر ونجيبه منين
وهو اللي خير واولى مالبكا
يعز الله كل الصابرين
علي كل ضيق وهموم وبلا
كفي الدمع لاترجي الزين
اللي مافيه ينفعنا رجا
لهيب النار صيوره عوين
ولو مافيه مبلط للنجا
مافي حي عاش مرتين
الموت يجيه حتى لوبطا
كل الناس راهم راحلين
وكل الحي صيوره فنا
ويوم البعث نبقو خايفين
عليم الله من هول الجزا
حساب الناس وبما دايرين
الكل احذاه في لخر سوا
الخونه شينه يلي خاينين
وعنها الله في شرعه نها
ربي الله رب العالمين
خلق لجروح يابال الشفا
حتى كان قسمني اثنين
اجروح اعزاز عنده لهن دوا
يشيل الهم والدمع الحزين
يبدل دمعة الياس بزها
الله الله نوصي السامعين
الله الله لاتديرو خطا
ومافالناس تبقو عايبين
وراكم يوم تنسوها الصلا
وكل اركان فارضهن الدين
صيام وحج ومعاهن زكا
وطيعو الله وطيعو الوالدين
ارضاهم راه للمولى رضا
ابقو فالخير انتو السابقين
وما فالخير ترجوه الكرا
ياسامعيني قولو آمين
كريم الله ويجيب الدعا
بخير الجنه نبقو فايزين
نخاطو نار مافيها ضرا

مشكوووووووووووور

بارك الله فيك

مشكــــــــــــــــــور ع المــــــــــــــــــرور

مشكــــــــــــــــــور اخــــــــــــــي

شكرا علي هده الكلمات الجميله
تقبل مروري

مشكــــــــــــــــــورين ع المرور