أول العلل

مرحباً... في البداية مع إشراقه الصباح وشمسه الجميلة التي يتسلل شعاعها برفق.. يغازل مساحات الجبل وأوديته وخلجانه وسهوله وشواطئه وسواحله في ألوان زاهية وبديعة.. في يوم جميل نتذكر من خلاله أن الشاعر الشعبي استلهم كلمات شعره من خلال هذه المناظر الجذابة وحاذاه في ذلك غناي العلم والزمار وكل منهما له حكاية في قلبه قد نسجها في قالب شعبي من خلال غناوة أو شتاوة أو نقرة في مزمار أو قصيدة شعبية تحكي مايحمله قلبه في قالب شعري يسمعه الناس ويطربون له إنه جبلنا الأشم وما يحمله من إلهام لكل الفنانين والفنون...

في رأس بيت يقول الشاعر:

ياما قجت نين شمس لمباكر عليها حجت العين في نهار الشيل



الرحيل

وتصور عندما ترحل محبوبتك إلى مكان آخر ماذا تقول.. وقد رد على هذا البيت الشاعر محمد زايد فقال:



ياما قجت نين شمس لمباكر عليها حجت العين في نهار الشيل

ياما ناحت ... نين شمس لمباكر عليها طاحت ورا بنت طوقه عالفريق ازاحت

العين هدبها ساقط أو شي ما نجت

أبصوبها شقت ياما ولكن راحت امغير كيف من فيده حمامة فجت



بين القديم والجديد

هذه مزاجلة بين القديم والكل له رأي والمثل يقول:

· "اللي ما يالف بقديم مايالف بجديد"

· كويت يا قديم عليك احصل دواي في ايدين الفاضي

· رميت يا جديد عليك امغير مكر في عيت القدم

· وجعت جديد نا كي قلت أنموت والقدم ما انسيتم

· بعد قديم راه حرام واطي نظرك يا عين عالغلا

· يا جديد وين ايريد منشابك معا نار القدم



شتاوي على القديم:

· يا القديم غلاك انسينا ع الفاضي حطينا دينا

· صوب جديد او فيه نعول ما نبيه يجي كي لول

· فيك يالجديد علينا صوب قديمين اتنسينا

· يا القديم عليهن غالي ما كيفك والاهن والي



خواطر شاعر

الشاعر بطبعه حساس ومن خلال هذا الإحساس يعبر عنه من خلال تجاربه اليومية والشاعر إدريس الشيخي كما عودنا دائماً بلمساته الرائعة.

وقد تحدث مع فتاة من عصرنا الحاضر وكانت آخر كلمة في حديثها معه: لعند هك أوكيه؟

وقد لخص هذه الكلمة في قصيدة قال فيها:

لعند هك أوكيه لا تنابشي عقلي أو لا تطريه الله ايربحك لعند هك اكفاية يلي غثيثك عالضمير ثنايا

واعيونك اتعوق واسعة وسهايا يا انويرتي ع اللي تماضن فيه

إلا نا وراسك لا انريد حكاية لا لي طمع في صوب لا بنيه

لا جل اجرارة هند سبايب دايه سعته ونا مازلت والع بيه

أو خالق الله لكل شيء نهاية انسيني عزيزة وخاطري ناسيه

لعند هك أو كيه

لا عند هك اوكيه

لا عند هك ايسد نلقانه على دايك انديروا حد

إسوالك الراجل كان تم جد صعيب موعره درب الشباب عليه

المفروض يعرف قيمته و إيرد خير ما ايتبع شي ما يعنيه

أو بينه وبين الصوب يبني سد أو يبقى قنوع قرعته ترضيه

لا عند هك اوكيه



محمد البزاري قال :

من قال يا أصحاب غلاي ننساكم أو نا زاد ننتسى

عبد الكافي رد :

اخطانا أو هي بالقسم إنريد نطلقوا في دارهم ..



لمة عرس

لمة الفرح في بيت العرس ولكل غناي مشجعوه يجلسون بجانبه للتشجيع ومن يبدأ في الغناء على أي نوع.. الجميع يتبعه في ذلك.. مثلاً هذه الجلسة في إحدى أفراح الجبل الأخضر بحضور أشهر الغناية..



قال الغناي عبد الكافي:

يجيبن عزيز أقسام وايباعدن اقداره يقدرن



قال الغناي عبد الفتاح:

امغير في المنام خطوة خلوة نين يوعا واخطروا



قال الغناي الشريمة:

أيام الغلا غاليت واليوم لا علينا ولا لنا



قال الغناي جمعة العقوري:

متقاسمين نا وعزيز لموشة الغلا بيناتنا



قال الغناي حميد السعيطي:

حتى لو عليه اقرنن ليام ما غلاي ايزعزعن



قال الغناي سعيد يحي:

نكبر النار نين تعلا وانتوهر على روحي بها



قال الغناي عبد الكافي:

ازعمه وينما ينساك العقل يا علم يالف بمن



قال الغناي الشريمة:

غلاي جا أصداف أيام بالهون ما عزيز يلومني



قال الغناي عبد الكافي:

سوايا وحتى قدر فينا عزيز داير واجدن



والشتاي سالم مسعود قال:

عندي خاطر برضه برضه يزعل من لولاف ويرضى





الدَين في التراث

الدَين والخلاص منه شيء جميل ولكن عند غناي العلم له شكل جميل ورائع في الوقت نفسه:

عليه أو علينا دين مرهون لو انعدوه واجدا

يدي عزيز نين ايموت ويفضل عليه من ديني اشوي

متقاصين يوم خطاه مرهون ما ابدين يسالني

عديته عليه زكاة مرهون ما ابدين انطالبه



والشتاي قال:

دين غلاي انريدا وافي ما ينقصن يا عيت اولافي

ما نطلق مرهون يملص نين جميع الدين يخلص

ما يمشي ديني عالفاضي راضي ولا مانك راضي



والمثل يقول: "ما يضيع دين وراءه مطالب"





في العيون

للعيون عند الشعراء إلهام خاص بهم وهن أول ما تشاهده عند الإنسان وأول ما تشاهد به..

وتحدث عنها الشعراء الشعبيون في شعرهم حيث قالوا:

عيونك ونارك يا جميل أوصافه ويلاتنا مالهن علينا رافه

ما لهن علينا محنة اخطيهن الخاطر غير ما خطينه

واليوم هن اللي قلنا هناه اربنه وامعاهن طريح اوساد ما تعافا مسكين خاطري صادف عيون خذنه أوخاذ خادمه جافي الوطا إتلافه أذارا ابديه امغير ما نحبه سهام خزرتك صادن جميع أطرافه.

غناوي في العيون:

برموشي انحايي فيه الجرح جا في العين بيدها

ونقرأ للشاعر مراد البرعصي وهو يسأل القمر عن محبوبته:

زعم يا قمر راه منهاس وغونن وسالن دموعه

وإلا ما نظر سو لا باس بو عين قرة مهلوعة

بو خد كي ضي وناس واللا برق دايير اشلوعة

غثيثه تخابل اكداس نين كايده في نسوعه

على زول للبس سطراس لباس كل ما جد نوعه

موش لبس ميع انجاس و إيلا لبس موضه شنوعه

وهي شوف مكروم أو خماس لا شجرة لي تبوعة

واتوالى ابطرز الحلاس او فارس مو دون بوعة

مرحبا بالعبيدات

الله الله ياناصر
بارك الله فيك
مشكور
تحياتى

هذا أول العلل ياناصر................ مشكور.

شكرا لك يا ناصر
وروفه دعبوب قال اخري :
عليش جاحده ياروح ماجضّيتي .. إلا من كبيره فى الفواد كميتى

يا روح مـا ادردرتى .. الامن كبيره فى لفواد حجرتى

وين خاطرى جوه اصفى عكرتى .. ابضيق فى النفس راحه مع تنهيدى


تقبل مروري
تحياتي لك:
المهندس

اتمـــموج ما عليها لوم ...العين شايله فوق حملها
سماحة الغلا تلذيع....وسمور ليل او قطمره او سماحة الغلا ترجاه وتذوق عازته
خطا كبير حرتى فيه....... تجفيه طوع وانتى امرايفه
تقبل مروى يا عين التميمى
الله يانسك

لوكان كل شي ياعين *** تبكي عليه ماعاد تسكتي
مشكووور يا مزيني ولك تحياتي

مشكور ياناصر علي الموضوع القيم وعلي الغناوي الصقع

عمــــر فوق العمر...نرجاك انكان الـــــــرجا ياالعزيز ايجيبك
عالعقل هالبات ايام...اسماح ما بكا غير لجلهن
تنهال يا شديد العزم... سريب دار لو كان نجبدو
.......................................................
جضيض خاطرى من الياس....... بكا جميع ما خلق مولاى

صحيت ياناصر

نمشى واعــــى مانى واعى شور الدار خفيف اكراعى
الدار مجفا ولخلو ...غبين امجايها نين ما تنعرف
نلويك نين تقنى دمع... ونبيعبك على دار الغنى
................................................
ايعينك الله ابعزم تنساهم اللى واجعينك
نلقانهن ملايا غيظ... ونياط للبكا ما عندهن
وسلمتوووووووووووووووو

تسلم ياناصر ... كلام زين

ارْضا عَزِيْز عِنْدي خَيْر زعَل الناس مَوْ كَيْداً عَلَيْ.

هذا اول العلل ياناصر....... معناها ايش اخبار عقابا


بارك الله فيك على هذه المشاركه

مشكور يا غالى على ما طرحت