العقيد سالم الرفادى

من طرف **STAR** 2011-10-19, 6:06 pm

العقيد سالم الرفادى فى تصريحات للشرق الاوسط .......رصدنا موقع القذافى فى صحراء قريبة من سرت ....القبض على القذافى اصبح مسألة وقت ....ثوار تمكنوا من غلق سرت من جميع الجهات ....الثوار تمكنوا من القبض على حراس شخصيين للمعتصم القذافى ومدير مكتبة

من طرف محمد اللافي 2011-10-19, 6:10 pm

يستر الله ما يطلع كلام موش متأكدين منه

من طرف اسماعيل ادريس 2011-10-19, 6:19 pm

انشالله خير يابواللافي
هضا انت عارفه وين قاعد من بداية الاحداث
وانشالله ايكون كلامه صح
بس ايجيبه لنا هنا فالتميمي عندنا بيه شغل

من طرف ابن المنتدى 2011-10-19, 6:22 pm

خليك متفائل يا بواللافي خير ان شاء الله

من طرف ابن الباديه 2011-10-19, 6:28 pm

"اسماعيل ادريس" عنده بير فالخرمه يبي يطمره فيه حماية له نين يقدم للمحاكمه.

من طرف محمد اللافي 2011-10-19, 6:36 pm

والله عارفه وعارفه من الناس الي اتجاهد من جد جدها موش استعراض
انا قصدي لا قدر الله انه معلوماته موش دقيقه بعدين الناس يقعدو ايقولو عليه كذا وكذا هذي بس
انا خايف علية هوا من كلام الناس

من طرف اسماعيل ادريس 2011-10-19, 7:22 pm

عارف موش قصدك يابواللافي
لكن لاحر لاشر حتى كان ماصار
خير منه عيت الصللابي والفلسطيني
اللي من بداية الثوره يطلعوا في الاذاعات ويكذبوا
على الاقل هضا راجل عقيد وعسكري موش متسلق زيهم
ولله نمرض من طاريهم وسريبهم
وسركم فارغ عليه ياابن الباديه غير يوصل
انعلقه علي سياره ومعاه طاقم طبي عشان مايموتش
ونمر بيه علي جميع مدن ومناطق ليبيا عشان ايشوف الدمار
اللي داره فالبلاد والناس اخرى حقهم علي كل واحد يعطيه كف ولال
كالشو نين تبدا محاكمته

من طرف محمد اللافي 2011-10-19, 9:14 pm

لا يا راجل تعوذ من الشيطان اين صلابي واين بوكتف
شلة ممثلين مسرحجية بياعه كلام
لا واليوم الصلابي داك وجهه مع الرجاجيل ايصور ويعطيها
الله الله خليها ساكته

من طرف اسماعيل ادريس 2011-10-19, 9:55 pm

يابواللافي.....................................
شفته اليوم الصللابي داير لقاء في قناة ليبيا الحره ويقول حررنا ودرنا
وهو يبعد ع الجبهه اقريب 10 كيلو
وجاي في مدخل سرت ويحكي
واعره عليه الجبهه اللي شكل هضا
علي من يكذب ولله معروف عند الليبيين كلهم اللي موش علي شاكلته
ليبيا والليبيين واعره عليك ياصللابي انت واشكالك وتوا اتشوف
غير يفضوا لك بس

من طرف محمد اللافي 2011-10-19, 10:02 pm

يا راجل كل حد تاريخه معروف
الصبر بس موش وقت فتح باب اخرا
دم الشهيد عبد الفتاح ومحمد ناصر مازال ساخن وكل كلب حشاك متورط فيه حتي ولو بكلمه ينذبح موش يشنق

من طرف اسماعيل ادريس 2011-10-19, 11:11 pm

ونا معاك في هالراي
لكن الموضوع اطاول وهضوم خذوا غايتهم في الكذب والمجرده
اللي موش عارفهم ايقول لك ابطال وهم ولايسووا حاجه

من طرف اجويدا رجب الرفادي 2011-10-20, 2:05 am

من طرف جرذ الصحراء 2011-11-03, 10:21 pm

ايش رايك يا ابو اللافي في نتائج التصريحات ؟؟ متاع ولد عمكم .

من طرف **عبدالحفيظ عوض ربيع** 2011-11-03, 10:33 pm

قريبه من الحقيقه
وفعلا موجود فى سرت
وتم القبض عليه واستحق عقابه

من طرف **STAR** 2011-11-04, 9:12 am

القذافى انتهى القذافى ماات وانتهى حكمة المستبد

من طرف المزكمت 2014-08-30, 10:11 pm

النفـس تبكـي على الدنيـا و قد علمـت ................. أن السـعادة فيـها ترك ما فيـــها
لا دار للـمرء بعــد المـوت يسكنـها ..................... الا التي كان قبل المـوت بانيـــها
فان بنـاها بخـير طـاب مسـكـنه ..... و ان بنـاهـا بشــــر خـــاب بانيـــــها

شن رأيك ..... ياسيادة العقيد ...... ؟؟؟؟

العقيد سالم الرفادى

العقيد سالم الرفادى

رد: العقيد سالم الرفادى

رد: العقيد سالم الرفادى

رد: العقيد سالم الرفادى

رد: العقيد سالم الرفادى

رد: العقيد سالم الرفادى

رد: العقيد سالم الرفادى

رد: العقيد سالم الرفادى

رد: العقيد سالم الرفادى

رد: العقيد سالم الرفادى

رد: العقيد سالم الرفادى

رد: العقيد سالم الرفادى

رد: العقيد سالم الرفادى

رد: العقيد سالم الرفادى

رد: العقيد سالم الرفادى

رد: العقيد سالم الرفادى