المنطقة الغربية ليست لمصراتة فقط.....

.......اخوتي الأعزاء يؤلمني كثيرا إطلاق كلمة ثوار مصراتة على الجبهة الغربية.وهي متكونة من جميع ثوار ليبيا بما فيهم ثوار بنغازي والمنطقة الشرقية,والدليل لقاء أمس في الجزيرة مباشر ثلاث ثوار أحدهم من مصراتة والثاني منفي من المنطقة الشرقية والثالث غرياني.....ونحنا قلنا يا قذافي موت موت الشعب الليبي كله خوت......والحمد لله القذافي مات.... وثوار بنغازي احلفو وقالو للقذافي والله معاد تخشها بنغازي وفعلا معاد خشها لاحي ولا ميت وافتكينا من رميمتا النجسة.... ولكم تحياتي........ومن نصر إلى نصر.

موضوع مميز جداً يستحق الاطلاع والمتابعة

شكرا مايسترو.........

ليش ماحد يرد علي موضوعي.......

موضوع مميز يستحق المتابعة شكرا للمجهودات

شكرا ستار منورررررر

ردو علي موضوعي ....

مصراته ايترحموا ع التريس اللي مشوا لهم مالشرق
والدعم اللي جاهم ..كانوا حاملين الجبهه الشرقيه في ارواحهم عشان ايوفروا
كل الامكانيات لجبهة مصراته والقياده كانت من الشرق
المرحوم..علي حدوث..وللا نسوه... والشهداء اللي كانن الجرافات يوميآ
راجعات من مصراته محمله بهم وهم من الشرق
لكن اصابهم الغرور وهضا موش في مصلحتهم واطمسوا جهود جميع
ثوار المنطقه الغربيه...
فمثلآ طرابلس لولم يكونوا اهلها منضمين للثوره لن يستطيع احد دخولها
بهذه السهوله ......لماذا يغيبون حقهم وقدرهم
...انا شخصيآ متذمر من جميع تصرفاتهم وتصريحاتهم الاخيره
مما دعاني اطلق عليهم اسم ثوار البخاخه{ لأنه كل مكان ينزلوا فيه يبدوا بالبخاخات ثوار مصراته ثوار مصراته وهذي غلط
ياريت ايراجعوا انفسهم على مابدر منهم من تصريحات وتصرفات
اما أختي عن قولك ثوار بنغازي فالمنطقه الشرقيه انضمت مع بعضها
منذ اليوم الاول...بداية من مطار لبرق وكتيبة شحات ومرتزقة البيضاء
وكتيبة الفضيل بوعمر ودخول الرتل الى مدينة بنغازي
وفي رأيي ثوار المنطقه الشرقيه لاتوجد عندهم نعرات بعض من ثوار مصراته
مشكوووووووووووووره اختي ويقبلي مروري {وجهة نظر شخصيه}

خلى اللى يحكى يحكى هذه هى الديمقراطيه الرأى وارأى الاخر ...........هما قالو هكى انت برضو اعطى رأيك فى الموضوع.........وقول اللى تبيه

حرية الرأي مطلوبة
احقاق الحق مطلوب
منع الفتنة مطلوب
احذروا من فتن الطابور الخامس واللجان الثورية وبقايا النظام المنهار
انتبهوا لما تقولون ..
ليبيا تحررت بسواعد كل الليبيين
مشكورة اختي

جزيل الشكر

كابتن كلامك صح لكن المشكلة انهم هم من بادر ببث هذه الافكار في قنواتهم الخاصة يعني انهم راضيين علي ايصير ولكلام الي ينقال
بصراحه كثرو علي ماوصوهم وخربو علي ارواحهم وارواح شهدائم
موش كل عرب مصراته فيها ناس ورجال قمه في الوطنيه والاخلاص وقدمو الرخيص والغالي في سبيل ليبيا لكن اخيرا بانت ناس علي الشاشه وما في حد ردعهم من عرب مصراته ولا حتي نفي كلامهم او تبري منه
مافيش مرة شكرو شباب المنطقه الشرقية او حتي ذكروهم بالخير وشارع طرابلس يشهد وعرب مصراته عارفين عليش نحكي وعارفين من الي خش لشارع طرابلس وكيف تحرر وعارفين الدراونة اكويييييييس
ويعرفو شباب البحرية في بنغازي شن دارو وشن كان رد الجميل لهم ومن الي كان ايشيل في الذخيرة ومن الي كان ايجيب في سيارات الكامري من مصراته في عز الحرب هضا كلام انا مسؤول عليه وشفته بعيني في ميناء القاعده البحرية في بنغازي والله كلام يقهر ونقولو لا يا شباب اجركم علي الله وفكونا من الكلام الي ايجيب الفتنه واخر شي قالو الجيش والصاعقه باعولنا اسلاح
صح في سلاح انباع بس امتي انباع ومن الي باعه
انباع بعد تحرير مصراته ولي شراه عائلات من مصراته تسليح شخصي موش اكثر ولا اقل
وبحاره مصراته عارفين شن قالو للبحرية بعد طلب منهم المشاركه في نقل السلاح والذخير لزوارة قبل الهجوم علي زوارة وغيرة وغيرة وكلام واجد بس والله الواحد ايتحشم يقولة
ربي يهدي العباد ويصلح حال البلاد

الثوار الحقيقيون هم ثوار برقه نعم الاخلاق والمعامله واهلى سرت وتورغا يشهدون بذالك

مشكووووووووره

شكرا أختي شموخ علي مرورك ....................