يوم ايشيب

من طرف رناد 2011-10-26, 10:14 pm

يوم ايشيب.. يوم شين كي لون السواد مريب
يوم فيه فارقني وجيها طيب.. يوم فرح عدواني حسابي صفوا
اطريلي كما مطرى جنين مسيب... الليل سامره واللي حذاه يغفوا
...
يوم قطيعة.. يوم فقدتي للزين والتوديعة
اسباب قهرتي مولى العيون وسيعة.. اللي بموكبه يالا اوهامي لفوا
لا باعني لا نا قدرت نبيعه.. مغير غصب من كمشة انذال اصفوا
النوم حرموا عالعقل صاف ربيعه.. ولا صحبتي بالهم يوم انشفوا
شبوب دمعتي دونهن سدود منيعة.. بعد اجداب من خيره الناس تكفوا
...
الغالي شالوا.. حساد هم زادوني و فرحة نالوا
لا هذا لا هذاك فيا سالوا.. ونا نوح ما دمعة انظاري كفوا
مغير قهرة في فرعة الفرصة طالوا.. على الله الياس يزول ولي يفوا
...
للجدا خلوني .. ونا قبل ما نبكي بها بكوني
ليلة الحنة كيفها فاجوني.. مشيت قلت ننظرهم علي تخفوا
لو كان ساعة الزفة بفزعة جوني.. تريس ينفعوا راهم و راهم كفوا
..
نهار يبكي.. بلا جميل عالغالي دموع انزكي
طول النهار نموج هكي وهكي.. والليل ناخذه تسكيب وين يهفوا
لو كان موش بختي في الغرام متكي.. عزيز راح ما حوله انذال التفوا
بجاه الرسول وحياة سي المكي.. اجعنهم هتايا في التراب يسفوا
من روااااااااااااائع الشاعر
.................... عبدالكريم المالكي[i]