جناح الغيبة

نهاب فيك يا دار الغلا لمريبه وانجيك جبر شايلني جناح الغـــيبه
نهاب فيك يا دار الغلا القديمه ونجيك لجل في طوحة خيالي ديمه
وانوح كي انجي لجباك نوح ايتيمه اللي مِ الصغا عاشت حياه عطيبه
وانحوس في خلاك الشين ومواهيمه وانحنَّ لك حنين الطفل للترجيبه
ونشيل النظر شورك اتبان عتيمه سواد ليل تركبني مخاوف ريبه
ومنك تعاود يا الدار عديمه العين من هطيل الدمع وتشخشيبه !!
انهاب فيك يا دار الغلا وانتاقي وانجيك جبر تجبرني عليك أشواقي
وانحطّ غير ما نلقى عزيز يْلاقي ويفرح ونا نفرح معا ترحيبه
ارباك خلو لا حادر ولانك راقي وامرار من صغا وقتك ومن تقليبه
نهاب فيك يا دار الغلا وانكابر غريبه اللي حامل بلاك وصابر !!
الها الوقت وين انجيك جيت عابر نضَّايق اتجي بيني وبينك غيبه
واطلالك يْبانن لي تقول مقابر الدايم الله لانك ذرا لا هيبه
نهاب فيك يا دار الغلا ونرايف وانجيك غير ما نرجع إلا بحسايف
عليك وعَ اللي ما لهم شي صايف من يوما مشوا منك اوجوه حبيبه
ابقيتى خلا خالي ربيعك صايف عليك هابَّه ريح الجفا الرهيبه
~~~~~~~~~~~~~~~~~~~~~~~~~~~~~~~~~~~~~~~~~

ديما ديما ديما ديما ديما ديما

سلمك يابودريس ومشكــــــــــــــــــور وبارك الله فيك

سلمك ومشكــــــــــــــــــور وبارك الله فيك

مشكــــــــــــــــــوره وبارك الله فيك للمتابعه

مشكــــــــــــــــــوره وبارك الله فيك للمتابعه