يادمع لاتنهال

يادمع لاتنهال ,,, مامن غصايص خافيه مازال
‫مامن غصايص عده ,,, كامي ونا لا انطيح لانجده

عزيز نفس في وقت الرخا والشده ,,, علي صغر سني للخطا حمال

ولد ناس ركابة سماح العده ,,, يجيبو التناء وقتا يسير اقتال

واللي صدني موحال يوم انصده ,,, وانكافي بجوده والسنين اطوااال

واللي تديره تاجده لابده ,,, اوهضا شي م الماضي القديم انقال

واللي ودني بالخير لبه انوده ,,, ونرفع اقدار اللي اقداري شال

حتي انكانه ماعاد فيه موده ,,, وبين العرب يصلح الله الحال

الخو من شقيقه تم نافض يده ,,, لايشغله لاعاد عليه ايسال

ويادمع غاب اللي الملام ايعده ,,, وتما ارجوعه لي م الموحال

واللي ضاع يا الانظار يصعب رده ,,, حتي لو بكيت عمر ما ينطال

مامن فيه غباين ,,, ومامن اللي خافي وماهو باين

ومامن اللي ماهو علينا هاين ,,, هناه وين ماتبع القيل وقال

ومامن اللي صاحب قريب كاين ,,, بعد وين ما كترن عليه اموال

ومامن اللي بدور الخطا يزاين ,,, حشا وجوهم ربة وجوه اندال

ومامن اللي طبعه رزيل وخاين ,,, يرخيك ويبيعك براس المال

ومامن اللي تحساب عهده صاين ,,, وله صيت عالي كي ولاد هلال

تباع للنسا ديما عليه ايراين ,,, ديلي امحنك للخبر شيال

ومامن اللي يادمع شال ضغاين ,,, علينا ونحنا واسعين البال

ونحنا صابرين وكامين كواين ,,, وكيف ما يقولوا العز ليه رجاال

يادمع ليش اتسيل ,,, حتي انكان زهاك شي قليل

صيوره الفرج ياتيك بعد الويل ,,, ويروقن ايام العمر كانه طال

ويغيتك المولي م السما بهطيل ,,, وينمن اغصانك بعد طول اكلال
~~~~~~~~~~~~~~~~~~~~~~~~~~~~~~~~~~~~~~~~~~~~~~

صيوره الفرج ياتيك بعد الويل ,,, ويروقن ايام العمر كانه طال

ويغيتك المولي م السما بهطيل ,,, وينمن اغصانك بعد طول اكلال


الله لا يغيبك

مشكــــــــــــــــــــــــــــــــــــــورين للاطلاع والمتابعه

مشكــــــــــــــــــــــور يابوادريس

مشكـــــــــــــــــور اخــــــــــي ....

صحيت اسماعيل

مشكـــــــــــــــــــــــــورين مــــــــــــــــــروركم طيب ورائع