نداء الي اشباه الثوار

من طرف محمد اللافي 2011-11-22, 12:11 pm

في الأول قلنا يا محترم يا مؤدب يا ولد الناس يا راقي يا روعة يا حاجة كبيرة لا لرمي الرصاص في الهواء لأنه شرعاً حرام وعرفياً واخلاقياً سلوك مستهجن ويأذي في الناس ..
النتيجة ما بيتش تفهم واستمريت ترمي ..
يبقى أسمع عاد ..

يا شوارعي يا صايع يا اللي مش متربي راهو رمي الرصاص العشوائي فيه خطر على حياة غيرك .. ناس ماتت ومشت فطيس عالفاضي !!!
فيه امراة حامل رمت في بنغازي من الفجعة !!!
يبقى يا سفتول يا عديم الدم والمروءة بطل رمي رصاص في الهواء ..
الثوار الحقيقيين روحو لحواشينهم وانت مازلت تفرق بدون غناوة الله لا يربحك ولا يسلم فيك عظمة ..
يااااريت هالمرة تفهم لأني مانقدرش انزل كلام أهبط من هكي عالعام عيب راهو !!!

من طرف amol 2011-11-22, 3:35 pm

والله عندك الحق رصاص وم ط و ار بي جي وماعاد يحترموا في الناس وتقوله عيب ومرات الرصاص ينزل اعلينا يرد يقولك انا حر ويطنش ويزيد في الرمي عناد فيك

نداء الي اشباه الثوار 649897501

من طرف **الكابتن** 2011-11-22, 5:42 pm

المشكلة تضرر العديد من العربات والسيارات بفعل هذا السلوك المشين
فيه بنت في طبرق عمرها عاو ونصف نزلت عليها رصاصة وهي في سور منزلها علي كتفها فأخترقتها من عند المفصل ونظراً لصغر سنها احدثت الرصاصة اضرار بالغة وبترت اليد .
والله يا عالم هذا ترويع وترهيب وازعاج وخطر
عيب عليكم
مشكور محمد للموضوع المهم جداً

من طرف دافنشى برقه 2011-11-22, 6:26 pm

يستر الله من الجاى

من طرف محمد اللافي 2011-11-22, 8:48 pm

مشكورين وبارك الله فيكم علي المتابعه

من طرف **عبدالحفيظ عوض ربيع** 2011-11-23, 9:00 am

شئ اخر امس وجدت مشاجره بين شخصين لااعرف السبب فنزل احدهم بسلاح كلاشن يهدد الاخر وللا سف الذى اخرج السلاح لم يذهب الى الجبهه ولم يشارك حتى بكلمه (( الطابور الخامس )) يعنى

نداء الي اشباه الثوار

نداء الي اشباه الثوار

رد: نداء الي اشباه الثوار

رد: نداء الي اشباه الثوار

رد: نداء الي اشباه الثوار

رد: نداء الي اشباه الثوار

رد: نداء الي اشباه الثوار