الله ياعرب بنغازي.......

من طرف فداليبيا 2011-11-23, 11:32 am

قصيدة : الله يا عرب بنغازى

قصيدة : الله يا عرب بنغازى

هذه القصيدة راقت لى فأحببت أن أهديها لكم

اللــّــه يا عرب بنغـازي

يا رفقتــي وإعزازي

يا خوت عـز الخوت

يا من أعلنتو الرفض للطـاغوت

كيف ما رفضتوا تنحنوا للغازي

* ** ** ** ** ** *

الله ياعرب بنغازي

يا واقديـن اشمـوع

ترشـــد الذاهبيـن * * * كان صار النهار ظلام

يا ماسحين ادموع

للدايح المسكيــن * * * والفــارس المنضـــام

يا شايلين الظلــم * * * يامداويــين الألم

يا مجسدين الحــلم * * * يا طاردين أوهام

* ** ** ** ** ** *

اللــّـــــــه يا عرب بنغازي

يا رفقتي وإعزازي

جــــاء صوت من بنغازي

مدينة الليبيين

هيا انهضو يا إرجال

وجـــاء العزم من بنغازي

طمـّن اللّي خـــايفيــن

وبدّل الله الحـال

على الله منصورين * * * وبالنصر محتفلين

وعلى الله ملتمين * * * مش كيف ماينقال

* ** ** ** ** ** *

الله ياعرب بنغــازي

يارفقتي وإعزازي

يا خوت عز الخوت

يا من أعلنتوا الرفض للطاغوت

كيف مارفضتوا تنحنوا للغازي[b]