زول جميل يانا اليوم هاوي

من طرف **العاشق الصغير** 2011-12-04, 7:25 am

زول جميل يانا اليوم هاوي.......قاسي كنت خلاني ضعيف
شوف الريم خزرات النداوي.....من للعين من غيره وليف
ظاوي الوجه لو واراه ظاوي....كيف الشمس فالمزن الخفيف
دورا ماح في طولا يساوي...كي الجريد فالنو العصيف
فوق النحر سلسلته تهاوي..كاشف فوق مرمارة رصيف
ريقا الذ من شرب القهاوي..ريحا ارق من نسمة الريف
يسحر في بسماح الحكاوي ...وبترديع لسلوب اللطيف
نارا في تطلق في شظاوي..تشكع نين في عين الكفيف
انطاقش فيه فاركان الخفاوي..طقاش الريم للعشب الرهيف
ياخذ الليل فوق روس العلاوي..ذيبا شين عواي ونحيف
حن الله داواه المداوي.......وجاه اللطف من عند اللطيف
بغيث ارجاع موعاطي جهاوي...يدخن بات لبروقه خطيف
ينفلتن فيه عازقات العذاوي..زغراتات فالنو الكثيف
نشابات في عوص الحناوي...طلاعات للدرع الكتيف
طواحات ثقله عالكداوي..بين حيوط وتراب ولفيف
هذا شي من جدوى حكاوي...مبدى سرد موكله طريف
عندي العقل يلوي فيه لاوي..حزنه دوم للطربه رديف
فواهق غر من كل الجلاوي...تغشم كل عراف وظريف
تطير نوم حلوات الغفاوي..بكا بغداد والقدس الشريف
حشد مال ورجال وتقاوي...قران الشر عالدين الحنيف
نحنا غير تطبيل ودواوي...عرض جيوش وخداع ولصيف
كيف الراي ماعندي فتاوي..وكيف اندير مانعلام كيف
روحي روح نكارة شهاوي..وراسي راس مايقعد ابكيف
عقلي عقل يرقالهن سماوي..قسو الحرب والشوق العفيف
لاني كيف لفاقة اللهاوي..نظلل تحت من مزنة الصيف
لاننغر بسماح الكساوي...وعلو الجاه ومعيشة الهيف
مامن مللك خيرمنا رعاوي...ومامن حر خير منا وصيف
غير الحظ وين يكون شاوي..كب اليد لنسان الحسيف
لاله قنو ضمار الصهاوي..ولاله مال للزينه وظيف
تبدل فيه من خيبة السعاوي..طراد المجد بطراد الرغيف
يلاوي بين القيودالمطاوي..قبل اللي مرباعه يصيف
عليه يشوخ كم فالت ارباوي..دوبه نح وتكبر وزيف
في سباه يرضى بالدناوي...جمع المال وجها موكسيف
كي بندير نفاخة الجاوي..هاللي دوم طايب عالرجيف
كيفا قال كلني عالشهاوي..يروعك يوم تلقاني حليف
وهوباطلات فيديه العزاوي..لومباع لايبقا امصيف
مع العدوان يجاود ابجاوي..ومع الصاحيب جبار وعسيف
يبقن خير تقصير الخطاوي..امفيت الصبر ماحاجه انظيف
امفيت لله ماعندي شكاوي..وامفيت الله مانبي نصيف
الا بودور عالعاتق ملاوي...ليل نهار تساطر اجروحه

ماجت الامربوحه......ومعاي عالخطا عول عزيز ابروحه .. ونانريدها

زول جميل يانا اليوم هاوي 944316