كنت ناوى لوعتي نوصف له..

من طرف **زهرة اللوتس** 2011-12-10, 7:50 pm

مشا في غفلة...ونا كنت ناوى لوعتي نوصف له
عزيز على النظر غيب
مشا في قسيه...اللي العمر مادرنا معاه نقيصه
اللي واجعتنى دمعتي الحبيسة...وكميه دفينة الحزن مانلفله
عمله كبيره من أفعال خسيسة...هدم ساس كاين بالوفاء واقفله
ولكان غير راعا القلب ف أحاسيسه...بلا أسباب ما يغدر تصير الجفله
لوكسر القزاز يصير من تجبيسه...حالا اوراقى على الملا نكشفله
المقلوع ما يثمر بعد تغر يسه...واللي مات ما تجيبا دموع در فله
والنوم مايحلى بغير ونيسه...والاصم يستمتع بما تعزفله؟؟؟
وما هناك حب ما وراه دسيسة....وعيون الشوامت واتية تهتفله
واللى يخون مره يلزمك تحسيسه...يعاود يعاود كان تزلفله
مشا ماولى...كيف السراب مع الصهيد تعلى
مستعجل تيمم بالتراب وصلى...مهوش حاسب حد مطر فله
تارك وجيعه في الكنين وعله...ما يحسها قداش مانوصفله
حال غايتي نقسم الحمل نقله....كان خير ليه ولى نا واشر فله
لكان تعمد نسوتي وتخله....يبينى على الإطلال نا ننهفله
لا ياعزيزى زيد زيد تغلى...وهات السوايا خاطري كر كفله
واخد علي عكس الزمان وقله...بكسرت الخاطرعزوتى محتفله
مشا خلانى...عطا بالقفا وقتا عرفني راني
ياريتا حكالى كليمتين معاني...على حسب ظني الباهيه مسلفله
كنت حاسبه اقرب حبيب دانى.. حتى على المصحف يبى نحلفله؟؟
نشريه بالغالي انكان شراني... وان باعني بالكاش نا نصرفله
واللي يتعيف ما يريد حناني...يلقى مقامه في منازل سفلى
ويا خد جمام الكيل في ميزاني...ونقلع رشداته وراء نحد فله
نمحاه من عقلي ومن وجداني.......باب ريح من الواجب عليا قفله
مشا في غفلة...ونا كنت ناوى لوعتي نوصف له
عزيز على النظر غيب