من الاشعار الليبية القصيرة 4

من طرف tweety nano 2011-12-18, 4:41 pm

اطلب تمنى ياربيع العمر ادلل عليا وزاد تأمر أمر
لكن عليا مانهار اتغيب أغيابك عليا كيف لذع الجمر
يادليل الخاطر ياللي بلاك العقل ديما جاضر
لحظة بلاك القلب ماهو صابر عمري كتبتة معاك سطر بسطر
===============================
وين الدنيا وين عربها وين عيون سماح هدبها
وين اصحاب الفزعة ديمة فزعتهم للعين طربها
وين اصحاب الروح احبابي بسمتهم كانت مقربها
يا ريت ايعودن ليام ويعاود للعين طربها

==============================
يا طويل السالف يلى على صوتك العقل اموالف
قاطع عروق القلب قطع مخالف لين الكلام عليه يصعب فرزه
ياجميل الغمزه كيف ما طعن وحشى برمحه حمزه
طـــــــــــــــــــاعن كنيني

========================
كثر الملام غير جر عيوب
يقلب مواجع مالهنش لزوم
كيف من يرقع في قديم الثوب
يواسي كتوفه يقصرن الاكمام
=============================
هاج البحر ينشد الغالي وينه
قتله رحل بان الزعل في عينه
بقي خاطري متكدر
لونه تغير والكلام تعدر
ترابه ارقي للسطح صار يهدر
وهدت امواجه لين طقت فينا
جيت للبحر بنخبر
بللي جري بالك عليا يدبر
هو ارقي وناقعدت انصبر
ونقوله بكره العزيز يجينا
=============================
اغليت علي بالحيل
ونسيت روحي نسيه..
ونسيت حتي الزاد
وانسيت شرب الميه..
ونسيت حتي النوم
ماعاد يخطر عليا

=========================================
احنا مانرافقو غير في الزين
ولد بيت مرفوع شانه
وين تطلبه يجيك في الحين
لا لخبطه لاشطانه
دوم في العلا كيف شاهين
مايوم ينزل عفانه
عصران مايغوص في الطين
بعيد النظر صاحب فطانه
من الاشعار الليبية القصيرة 4 944316