مصطفي عبد الجليل على "الجزيرة مباشر"

مصطفي عبد الجليل على "الجزيرة مباشر" الآن: الفوضى مازالت تعم البلاد ونسعى لترسيخ دولة القانون .
ستشكل هيئة لمراقبة الشفافية .
المجلس يعد آلية للانتخابات .
لم يترشح لدينا الأمن بعد بسبب استمرار وجود بعض الكتائب في مناطق حيوية .

◕ لم يتم بسط الامن بعد حتى يسود القانون

◕ في هذه الفوضى التي تعم والتي طالت النائب العام غير مقبول من الثوار

◕ نسعى لدولة القانون ويجب ان نكون شركاء في ذلك

◕ يجب الا تذهب الثورة هدرا مع بعض التصرفات

◕ لايزال الاعداء يتربصون بنا واجزم ان القذافي وابنائه لن يعودوا ولكن قد يحدثون القلاقل !!!

◕ تم بيع النفط ما بين 600 الف برميل الى مليون وما صرف منها بعد استقطاع حقوق الشركات هو ما صرفناه المدة الماضية

◕ الاموال التي سيلت من التجميد ستصل في النصف الاول من يناير

◕ ستصرف اولا على اسر الشهداء والجرحى

◕ المجتمع الدولي ينظر الينا والحلفاء لم يكن له تواجد على الارض

◕ لاول مرة في التاريخ يتم هذا الاجراء والله كان خير عون للحلفاء

◕ المجتمع الدولي متخوف من اجراءات المنافذ البرية والبحرية ان تقع تحت سيطرة كتائب وليس الدولة

◕ نحن متواصلين مع المجتمع ووسائل الاعلام بدأت في الظهور

◕ بدأت ليبيا الرياضية وبدأت القناة الرسمية والقناة المسموعة والموقع الالكتروني

◕ هناك متطلبات عاجلة وهناك متطلبات انية وارجو من الجميع الصبر

◕ ادعو من الله ان تدوم ثورتنا

◕ نحن لم نوقع اي اتفاقية تورط الشعب في التزامات مستقبلية

◕ اتفاقية ايطاليا تضم طريق الساحل الليبي وتامين الحدود و 1000 وحدة سكنية وسيصل رئيس وزراء ايطاليا يوم 21 يناير لبحث تأمين الحدود وبحث الطريق المزدوج

◕الالتزامات السابقة للمجلس الانتقالي هناك ديوان محاسبة يقوم باعداد تقرير ينشر جميع التقارير على وسائل الاعلام

◕ لدينا من الحسنات ما يبرر لنا بعض الاخطاء

اخسارة والله والف اخسارة
اخساااااااااااااااااااااااااااااارة يا ليبيا اخساااااااااااااااااااااااااارة يا شهداء

مشكور أخى محمد على المرور وربى يحفظ ليبيا ويحميها ويكفيها كل شر

الليبين يبو كل حاجه من المرتبات و صيانه البنيه التحتيه و الخ في ليلى و ضحاهه ....

الصبر جميل

Faisal M كتب:الليبين يبو كل حاجه من المرتبات و صيانه البنيه التحتيه و الخ في ليلى و ضحاهه ....

الصبر جميل

نبو امن نبو شفافية نبو نعرفو شنو صاير جوا في المكاتب نبو جيش وعلي فكرة لنا تقريبا سنه
اما المرتبات نبوهن كل شهر ماناخذوش فيهن من اجيوب المجلس هضا حقنا

الشفافية انسوها خلاص لانهم غطسو روسهم في الفساد من اول اسبوع ماعندهم عليش اشفو
لو اتشوفو الفواتير الخاصه بالمجلس في عز الاحداث توا تعرفو عليش نحكي
اول وحده فواتير من محل عبر الاثير في بنغازي محل موبايل و ثريا
3 مليون دينار هذي اول فاتورة ايام كانو المجلس ما يوصلوش 40 نفر هذين حق اجهزة

مطلبنا الشفافية من المجلس فقط

الشفافية معناها في روس وااااااااااااااااااااااااجد في المجلس يبن اتعلقن في حبل المشنقه يا خوي
من سرقه الي عمليات اغتيال واليوم في قضيه ثانية طالعه علي السطح في بنغازي توا تسمع خبرها ان شاء الله اقريب

تفائلوا خير يا شباب ونحن لازم نضغط علي الحكومة صح لكن ونبي انفسنا اولا ونعلم غيرنا ونحترم بعض ولما نشوف حد خالط نصحة واذا كان قاعد علي الخطاء انديره حد بالقانون وانشاء نبنيو ليبيا ...............الصبر

◕ لدينا من الحسنات ما يبرر لنا بعض الاخطاء..
تكفي هذه العباره لمن يفهم من هذا الرجل الذي قدم رأسه في الوقت كانت رؤس في البيوت والخارج الان تتفلسف وتتهم ..
نحن نحكي علي دوله القانون سيقدم كل من سرق ومن استغل الفرصه للمحاكمه
وكم فرحنا بمصراته وانتصارتها ومن ثم انكشف عنها ورق التوت بتلك المغالطات التي صدرت مها ونفس الوقت هذا الكلاام ينطبق علي الزنتان
والباين الدور علي بنعازي الحبيبه ..
وسعو بالكم يا هاووووووووووووو ودعو دم الشهداء الطاهر
شكرأ للنقل

يسترالله الناس تحكى من اللى ساير فيها من عازة ملت من الوعود وملت من الكذب والفتنة والطابور الخامس(أشباه الثوار) والمتسلقين والأهم هو فقد الثقة بين الجهات المسؤولة والمواطن بسبب عم الشفافية فأصبحت هناك هوة اجتماعية وهضا هو الخطر الحقيقى بسبب عدم وجود وعى سياسى مماجعل هناك أجندات خفية

salahabdulmalek كتب:يسترالله الناس تحكى من اللى ساير فيها من عازة ملت من الوعود وملت من الكذب والفتنة والطابور الخامس(أشباه الثوار) والمتسلقين والأهم هو فقد الثقة بين الجهات المسؤولة والمواطن بسبب عم الشفافية فأصبحت هناك هوة اجتماعية وهضا هو الخطر الحقيقى بسبب عدم وجود وعى سياسى مماجعل هناك أجندات خفية

عداك العيب وكلامك صح 100%
قلة الشفافية سبب في كل المشاكل الي حاصلة توا

خوي التمساح ارجوك رجاء خاص اقرا مطالب شباب بنغازي ولو عندك اي تعليق نبيك اترد علية

المشكلة الاساسية في ليبيا هي الميليشيات المسلحة وخاصة ميليشيات الزنتان وناكر

احميده مطالب ابناء بنغازي لا مجال لها في الوقت الحالي مهم كانت الاسباب في حاله قيام الدوله لهم الحق المطالبه بحقوقهم بطرق مشروعه وليس فوضويه كما نشاهدها تصل الي السب وحرق علم الاستقلال الذي استشهد من اجله اجدادنا في السابق وشبابنا في الوقت الحالي ولا من حقهم المطالبه بتغيير المجلس الانتقالي لكونه من شتي بقاع ليبيا وليس بنغازي من حقهم تغيير اعضاء مدينتهم من المعقول ..
يا ابن العم المطالبه بالحقوق ظاهره حضاريه ولا غبار عليها ولكن نحن بصدد بناء دوله القانون والمجتمع المدني والقضاء المستقل البلاد في وقت حرج للغايه وهم بهذه الاعتصامات تعتبر سبب في تأخير قيام الدوله واستغلال المشبوهين لمثل هذع الاحداث والمطالبه المشروعه نؤجلها في حينها ومن بعدها البعدادي بغدادي والشامي شامي .
بنفازي مدينه محوريه ولها اهميه دور كبير في خلق المناخ الذي يساعد علي سرعه قيام الدوله .
عليهم الرحوع الي بيوتهم لكون نري في اشكاليه ستقوم بين ابناء بنغازي الا تري تعليق (البعجه )علي مطلب المجلس المحلي بنغازي كيف كان
بدون شك في الثورات تبرز مشاكل غير مدروسه من اصحاب الاجندات الخاصه الغير مرئيين يجب الانتباه وحتي نكون شفاف اكثر اغلبيه برقه علي وجه الخصوص لهم تحفظ علي هذه الاعتصامات .
والخلاف لايفسد للود قضيه يا عرب بنغاري .......شكرا

كلامك علي عيني وراسي وصح ومعاك فيه كيف مافي اعضاء فاسدين في المجلس في ناس في الميدان ما ايمثلو شباب بنغازي
نرجعو لعند امتي ناس موش لاقية موش لاقية ما تاكل واعضاء المجلس فوق من 60 عضو في ركسوس اقل فاتورة 1000 دينار في اليوم
وكل فجر يستلمو في 100 مليون دولار
ويييييييييييييييين

نبوا نمسكوا العصا من النص فمثلا نا مع أن الدولة مازالت طالعة من حرب ووضعها مازال مهزوز وملناش حق نطلبوا أشياء تعجيزية لكن فى نفس الوقت نا مع المطالبة بالشفافية والصدق ولاأظن هذا مطلبا صعبا نا مع المواطن اللى اصبح اوكاله وشربه بالدين شوفوا أبسط حاجة ايشنى الخبزه مثلاً والله نعرف ناس وصل دينهم بالميات وكذلك الخضرة والله اللحم اللى الناس قريب ينسوه اللهم إلامن الدجاج الخارجى المقطع اللى مانا عارفين ايش شكله وآه ثم آه لما نحكى على العلاج فى الخارج اللى التفويض اللى ماياخذه غير المعارف والواسطات ماعش خلت لراقد الريح مكان الصدق الصدق والشفافية والمطالب الحياتية الأساسية هضا أبسط حق للمواطن الليبى اللى قدم الدماء الطاهرة ثمناً له ومن أجله قامت ثورة 17 فبراير

والله يا صلاح كلامك معقول اهم شي الشفافيه في المرحله الحاليه قد يكون فيه تجاوزات من ناس ذمتهم فاسده ولكن نحن في مر حله حساسه للغايه وهذا الوقت يطفح علي السطح كل متسلق مستفل العقليات البسيطه التي تأسفو في قناه الآن علي ماء بدر منهم وقالو غرر بنا
من يهمه الوطن يعمل بصمت ويراقب كل الاحداث عن كثب ومن حقه في قيام الدوله يعتصم ويبرز المبررات ويطالب بقوه بردع ومحاكمه الطحالب والمتسلقين ومن ناحيه الفواتير المبرزه هنا وهناك لا ادري اين هي من المصداقيه الكل يحكي ويكيل بمكياله .
والغريب في الامر دم الشهداء والجرحي والمفقودين وجميع الانتهاكات اصبحت في الخلف وابتداء مشوار ومناخ الطابور الخامس في جو خصب وهوا الاعتصامات ولا ننسي ( البيضه اولآ او والدجاجه)الكل يقول انا الشراره وتصوري لموضوع الاعتصامات مجرد خوف تهميش مدنهم لآنه من تحرير طرابلس فيه اماكن كثر فيها الهرج والمرج ويستر الله
علي كل حال حفظ الله ليبيا

ربي في الوجود المهم التوكل علي الله والبناء لجيل جديد واعي واكثر خوف من الله
الا القديم ايعوض علي الله بخير منه