خلي دموعي تحكيلك..يا ماما..يا اغلى ماما بالدنيا

من طرف hawa-36 2011-12-27, 9:27 am

ماما ماما ماما ماما ماما ماما ماما..زمان ما حكيت هالكلمه..شو نفسي اشوفك
واحكيها..شو نفسي اشوفك وتسمعيها..يا ماما من لهفة قلبي عليكي حلمت اني
ببوس بايديكي مشتاقه لحضنك مشتاقه لهمسك ..مشتاقه ومشتاقه..بخبي مشاعري
وبحبس دموعي عنهم بس لما اصير لحالي الدمعه بتسبقني..ماما قال عملو عيد
للام..اّه طيب وين الام؟زمان بس كنت صغيرة كنت اكره هاليوم مع انك كنتي
موجودة بيناتنا,وما كنت اعايدك بهاليوم,لاني كنت بقول حرام انا افرح بامي
وغيري امه ميته..بس انا هسه امي ميته..وبينكوي قلبي بس اشوف ام وبنتها ..او
بشوف ام ومعها احفادها..يعني شافت اولاد بنتها..طيب انا يا ماما مين بده
يفرح فيني ومين بده يراعيني..ولمين بدي احكي سري؟؟؟
يا قلبي يا ماما..بنتك هسه وحيدة ..بضحك مع الناس وبسمع همومهم بس ما عندي
استعداد اشكي همي لحدا..ربي وحده كفيل فيني...يا ماما تعالي لزوجي بالمنام
واحكيله بنتي امانه برقبتك..علميه كيف يصوني ويحن فيني..احكيله انا زفيت
بنتي الك فكون الها الام كون الها القلب والحب والصاحب والاخ..يا ماما..انا
بنتك وحبيبتك ومشتاااااااااقه حيل مشتاقه...
يا ماما انا هسه من الموت مش خايفه لاني اكيد بلاقي حضنك بيستناني..ماما فاقد الشيء لا يعطيه فكيف بدي احب اولادي او احن فيهم؟؟؟
سامحيني يا ماما اذا زعلتك بكلامي بس خلص رح امسح دموعي واربط حبالي بحبال
الله..فالله حبيبي والله حنون فيني..ويكفيني هذا في غربتي في الحياة.....

من طرف سـيف التميمي 2011-12-27, 9:46 am

رحمها الله وجميع موتى المسلمين...
هم السابقون ونحن اللاحقون

من طرف hawa-36 2011-12-27, 10:00 am

من طرف **جمال المروج** 2011-12-27, 11:00 am

أختى الغالية صدقينى
عباراتك الرقيقة تبكينى
ونزفت الدموع من قلمى
حتى ملئت الورقة دموعى
ألا أختى لا تحزنينى
آلام الماضى لا تذكرينى
وآهات الليالى لا تنسينى
أن أدعو لقلب كان حنينى
رب ارحم واغفر لكل مسلم ومسلمة كان يحبك ويرضينى