خبر والله اعلم

مداخلة نائب محافظ البنك المركزي علي محمد سالم -- 97 مليار دولار إجمالي الاصول المالية الليبية المفرج عليها -- أعلنت ليبيا سيطرتها على 97 مليار دولار بعد أسبوع من موافقة الاتحاد الأوروبي على الافراج عن كل أموال وأصول مصرف ليبيا المركزي والمصرف العربي الليبي الخارجي. وقال علي سالم نائب محافظ مصرف ليبيا المركزي في مؤتمر في طرابلس إن المبلغ بالكامل أصبح تحت سيطرة الحكومة الليبية --الاربعاء 28 ديسمبر الساعة 23:05

المصدر نت

اتمن ذلك من كل قلبي

ان شاء الله خير

اللهم آمين أيش ودنا

الله يفرج علينا الكرب ويبعد عن بلدنا المشاكل ويرزقنا من الطيبات

بارك الله فيك اخي محمد

اللهم امين
مشكور وبارك الله فيك

في المثل الشعبي : قالوا ايش يتمنى العمى قالوا قفة عيون "
فنحن نتمنى كل خير لأننا حرمنا اربعة عقود من خيرات بلادنا .. نسأل الله أن يطرح فيها البركة وأن تصل إلي مستحقيها دون منة من احد لأنهم اصاحب الحق دينا وعرفا وقانونا ...

شكرا اخي محمد علي الأخبار الساره

نرجو نرجو نرجووووووووو

مشكوووووووور

اللهم امين يارب
ان شاء الله لبلاد من خير الي خير اشوي قضايا ينحلن بأذن الله بس ما يعني انا نسكتو علي الخطأ او انعاودو خطأ التمجيد والتقديس
لكم كل الشكر والتقدير

مشكورة اختي نسمة علي المتابعة

انشاءالله خير .
المشكله ياخوي محمد في المصارف والصرفين يسكرو على المنظومه يقعدو الناس اتراجي فيهم كل يوم نفس الطريقه محد يسلك .
نحن علينا نصبرو نين يفرج ربي

ممكن في خلل معين اختي ميمي
المشكلة في السيولة وطريقة توزيعها

الفلوس اللى برا...لوكان ايخلوهن برا خير ....لانه حيجن ويلعبو فيهن ضنا الحرام وربما المليشيات المسلحه اتسيطر على البنك المركزى وينهبوهن...هذا من ناحيه...وبعدين الليبيين حتى اللى اصلع طلع يزرع فى شعر على حساب المجلس ..وسيبو الناس اللى قاعده فى مساكن بالاجار...ان لله وان اليه راجعون

هههههههههههههههههههههههههههههههههههه وبعدك كلهم صلع يا بوفرقة
والله صح اتخاف من المليشيات المسلحة

في عقيد في الجيش ساكن بي اجار في شقه اصغيره وهو عقيد كبير ومعروف مفروض المجلس يوفرله سكن وقعد في الجبه محد سال عليه انشاءالله ربي يفرج عليه وعلى كل الليبين

معقولة ايفكرو فيه ويسيبو المشايخ الي طلعو اول امس وتوا امراء كتايب زايطين فيها افلوس شي خيالي فوق ماتصور ويحكمو في بنغازي
طبعا موش كلهم في منهم شرفاء
ومجلس يعتمد علي مليشيات ولا يعتمد علي الجيش ليش الله اعلم

عشان مصلحته ..الجيش يخرب على المجلس كل حاجه يفكر فيها يقدرو من توا يشكلو جيش يحمي لبلاد من مليشيات لاكن مايبوش الجيش يشكل وربي يجازيهم

حسبنا الله ونعم الوكيل موش عارف ليش ما يتعضو بمصير سيدهم
بس انقولك انا شخصيا مازلت شاك في سيف وجماعته في شي بين المجلس وسيف كل جماعته توا منتشرين بين المجلس و مدراء شركات ومؤسسات الدوله واغلب السفراء والتجار اصحاب سيف هم الي شايخين في ليبيا

انشاء الله خير .

يا رب يعم الخير على بلادنا و نعيشوا في أمن و أمان

غير ايخطوهن بجيوبهم
اكيد قاعدين ايوتوا في شكايرهم ويبوا ايعبوا
...................................................
مشكور يابواللافي وانشالله خير