اللى مارد عليك انساه......

من طرف اسماعيل ادريس 2012-01-03, 11:21 pm

اللى مارد عليك انساه.........حرام رجاه......رخانا واحنا غاليناه

اللى ماباش عليك ايرد...... صحيح الود...... بدا من شورى مانجحد

وما قصرت امعاه ابجد...... غلا وغناه........ جميع اللى يلزم درناه
...
اللى مارد عليك انساه

اللى مارد عليــك ارخيه...... ولا تطريه..... اخساره حتى اللوم عليه

اللى باعك اصحا تشريه...... كريم الجاه.... اينسينا مان عشقناه

يالله الصبـــــــر اتعاطيه...... يبرا داه .........القلب اللى مايعيش بلاه

اللى مارد عليك انساه

اللى ماباش ايرد عليـــك..... علم راخيك........ انساه م البال الله ايهديك

و دور هيت بديــل شريك..... اتعيش امعاه...... وسيب غالى فمعاناه

اللى دوم غلاه امبكيـــك..... الله الله............. ايعوض فى بودور سفاه

ولاعاد اعيـــــونى هذيك..... ونا يالاه............. اتذرف مشتاقه لغلاه

الحاصل لاتجينى لاانجيك ....اخطيت خطاه..... اكرهت ازويلك من سباه

اللى مارد عليك انساه........ حرام رجاه........ ايعوض ربك فى مدعاه
~~~~~~~~~~~~~~~~~~~~~~~~~~~~~~~~~~
اللى مارد عليك انساه...... 494103