تحلف عليهن

قارنات الراس ... غلاه وخطاه وغيبته والياس
تحلف عليهن
*-*-*-*-*-*
ملتمّات ... غلاه وخطاه وغيبته بالذات
وجاء الياس رابعهن ودار أمبات ... أحذا خلو إيدينا والشمَت م الناس
مع بوأميامي سود منهلعات ... ايام الزهاء تمّت اتردّ نكاس
ماأتقول عمره كان فيما فات ... مطيرة الغلاء نحرث وهو درّاس
ولااتقول جنّا فيه كم صابات ... وكوف الغلاء تمّا أكداس أكداس
ولاأتقول كي حسنا على هرنات ... منيحة الغلاء تسند أن صار أركاس
الاّ اليوم تمّن غير ذكريات ... وأفطام الغلاء باعه عزيز وكاس
*-*-*-*-*-*
ماعطنّا قيله ... غلاه وخطاه وغيبته لطويله
أعيون من يبوّع وين ماجلّيله ... إيقبض قرص حرجب أربا المحاس
راطب على اللي إيفكّ متوتّيله ... واللي رمَس صوّب أمعاه أرصاص
واللي نصبت باتت أمعاه قتيله ... ذبحها قلَب نقّر وقال خلاص
بزّاره قفز طبّس على كمبيله ... وقال وقت مازلنا على المقناص
ناض كيف ماقوفل عزيز رحيله ... أحكاية جرتلي مو خبَر هتراس
حتى وكل شي مكتوب بأمواجيله ... قديم الغلاء قصّر ونا حسّاس
*-*-*-*-*-*
لطّن على قسميته ... غلاه وخطاه وغيبته ورجيته
قديم الغلاء مابت أتروق قضيته ... من طول الجضر والموح والبسباس
حتى وين مانسهىَ انقول انسيته ... يخطر عليّا خطرة الوسواس
أنحوس حوسة العيّل على ضانيته ... من مابكىَ حاست بعدما حاس
~~~~~~~~~~~~~~~~~~~~~~~~~~~~~~~~~~

شكرا ارك الله فيك

مشكــــــــــــــــــــــــور وبارك الله فيك

مــــــــــــــــــــروركما رائـــــــــــــــــــــــــــــع