مامن ادموع اوعبرا العقل علي فرقاك فاقد صبرا إيريد ينظرك

مامن ادموع اوعبرا
العقل علي فرقاك فاقد صبرا
إيريد ينضرك
علي فرقاك
العقل شارد شاغله مدعاك
إيجنا تفاكير سودا بلاك
عايش كيفللي مندفن في قبرا
إنريد ننسى ومايريد ننساك
مكسور خاطر ما اتجيبه جبرا
ما رمت ياسك نين ريت ضناك
إنعاني سبايب جرح زايد كبرا
روحي ترخص انكان اتريد ارضاك
اللي كنت روحي فالحياه نعتبرا

مامن ادموع اوعبرا
العقل علي فرقاك فاقد صبرا
إيريد ينضرك

مامن ادموع اتسيل
نبقى انهترس وماأتغفى في ليل
والدموع فايضه دارت امعاي هطيل
انكان جتني من غلانا نظرا
نبقى انشيل في عزاها شيل
انزازي بجروح فالمواير خضرا
ونا ما انضني عليه انخيل
هالي واطا غلاه اوقدرا
اليوم ابدمي عليه انسيل
سيلت جرح ما ينقاس ابشبرا
أ بكاي تما في غلاه قليل
لجل صارت في ادموعي هدرا
تمت نازحه ماعاد ألها سبيل
محنه طاريه نازحه من صدرا

مامن ادموع اوعبرا
العقل علي فرقاك فاقد صبرا
إيريد ينظرك
~~~~~~~~~~~~~~~~~~~~~~~~~~~~~~~~~

شكر ربى يعطيك الصحة

مشكــــــــــــــــــــــور وبارك الله فيك

مروركم الاكثر من رائع
بارك فيكم