سبحان كيف رقدنا ...

سبحان كيف رقدنا ... وجانا النوم وما إتقول فقدنا ... إعزاز فارقوا !!
***********************
سبحان كيف زهانا ... عاود وما عاود معاه إمنانا

وإنسينا حديثه وقعدته يالانا ... وما من حكاية في الحديث جبدنا

خالي مكانا ماهناك مكانا ... حتي إن كان في وجه الجروح صمدنا

ماجرح غيرا في الحيا كدانا ... وطينا عليه إبقو نين كمدنا

عليك كاينة هزت صحيح كيانا ... الخاطر وقلنا ساهلة وجحدنا

خوف من كلام الناس يانا يانا ... حتي إحساسنا بالحزن فيه إحسدنا

***********************

صبر الهمنا ... ورضينا بحكم الله وإستسلمنا

عدوا بلا توديع ماسلمنا ... وكمين فرصة للزها بددنا

ياريت مالساعة إمغير إعلمنا ... فيها عزا للعقل وين بردنا
***********************
سبحان كيف اليوم ... صبرنا ورقدنا وكيف جانا نوم !؟

وكيف عالبكا درنا شداد إعزوم ... وهدوم الحداد السود عنا حدنا

ورضينا وقلنا كل شئ مقسوم ... وبينا وبين الحزن درنا هدنا
****************************
سبحان كيف رقدنا ... وجانا النوم وما تقول فقدنا ... إعزاز فارقوا
~~~~~~~~~~~~~~~~~~~~~~~~~~~~~~~~~
وسلمتوووووووووووووووووووووووووووووووووووووووووووووووا

صح لسانك بارك الله فيك

وفيك بارك الله نسمه

شكــــــــــــــــــــــرآ لمــــــــــــــــــــرورك زهره

مشكـــــــــــــــــــــــــــور يابو ادريس

العفــــــــــــــــــــــــــــــــــــــــــــو عـــــــــــــــــــــاشــــق
مـــــــــــــــــــــــــــــــــــــرورك أســــــــــــــــــــــــــــــعدنــــــــــــا

تسلم يااطعمة

ســــــــــــــــــــــلمك يابواحميد
لك وحشه ياعم وين رايح ...............

ســــــــــــــــــــــلمك يابواحميد
لك وحشه ياعم وين رايح ...............