طيب نومك........

طيب نومك
ناهو اللي نسمر انشيل اهمومك
خلي السهر عنك
خوذ الراي ..ماتنـشـغـل خـلــي الـسـهـر يـــالاي
نــا فالسـهـر مــن قـبـل واخــذ بــاي
وانت خلقت للنوم الهنـي مـن يومـك
قديـش مـن مداجاتـي تعـب هــاواي
وانـت ويـن ماتسمـر اتضيـق اعلومـك
معـاك لــذن خليـنـي وخــوذ غـطـاي
نـروم السهـر كيـف ماقـدرت انرومـك
نـاخـذ اللـيـل امغـيـر مـاشـي جــاي
وانت عالمنام السمح شان اهجومك
طيب نومك ..ناهو اللي نسمر انشيل اهمومك
خلي السهر عنك
ضــــــم اوســــــادك
سيب العنا عنّـك نصيـب اريـادك
اتركلي السهر نا هـو اللـي ودّادك
بنوم الهنا اجعنها سعيده أحلومـك
ما تشيل همـي ولهفتـي لميعـادك
ولا عين ترجى في نبـاه قدومـك
ولا جرح خلّف يا عزيـز ابعـادك
فداك كلنا يا اللي أغليـت فسومـك
عليه الجفى مانـي اللـي نشـادك
يا جرح طالب من الكريـم يدومـك
خوذ غايتـك بالله وقـت ارقـادك
ولا تشيل هم أخلاف قومي وقومـك
نا ليش نومي دام نومـك صـادك
يكفي زهاك وعالزهى مـا نلومـك
الله لا يجيبه يـا عزيـز سهـادك
فداك دنيتي ولا تضيق لحظة علومك
طول القمـر شيلـه هنـك قعـادك
ونزيد نرفعك كنهو اقصر سلومـك
طيب نومك ..ناهو اللي نسمر انشيل اهمومك
خلي السهر عنك
~~~~~~~~~~~~~~~~~~~~~~~~~~~~~~~~~~~~~

منور ياخي اسماعيل ومزيد من الابداع

مشكــــــــــــــــــــــور يابوادريس

شكرا بارك الله فيك

تسلم يا اخ اسماعيل بارك الله فيك

بارك الله فيكم لمروركم وتعطيركم صفحتنا