العين رايفت لاتزيد تلعب بيـــها!!

من طرف **زهرة اللوتس** 2012-01-08, 11:29 pm

تحشّم وخـــــــــــــاف الله ياناسيها ،،،،، العين رايفت لاتزيد تلعب بيـــها
انشــــــــــــــــــــــــــــــــــــد مرّه ،،،،، عنها حــــــــــــرام تفوتها بالمّره
ولاف نشدتك كانك نشدت مضرّه ،،،،، النشده عليـــــــــها فعل بتزهيــها
تمسح اثار اشـــــواق فاضت برّه ،،،،، وتروي عـــروق اوصالها تحييها
لاتسيبها فــــــــــــــــــى الماضي ،،،،، مع ياس طاغي فى لحمها ماضي
ولاتدير روحك بالنظر متغاضي ،،،،، نا عارفك عارف اللــــــي مخليها
تذبل وكانك بشقاها راضــــــــي ،،،،، ويش ماتريد تدير إذنك فيـــــــــها
شن بتنـــــــــــــــــــــــــــــــــوّل ،،،،، لوشوق عينـــــي من غيابك طوّل
بالك خطرلك ياغـــــــــلا تتسوّل ،،،،، كان مانشدتش ،صورتك تكفيـــها
وكانك على مدت خطـاك تعــوّل ،،،،، الها رب من جـــرح الجفا يبريها
لوبيــــــــــــــــــــــــــــــــــــــديا ،،،،، معــــــاي بالغلا مانريد غيرك ليّ
اللي بينا موش معـــرفه سطحيه ،،،،، ولاهايش قصه تنتهي نطــــــويها
نا فيك روحـك وانت روحك فيا ،،،،، اللــــــي تصيبني تشعر معايا بيها
لاتتحشّـــــــــــــــــــــــــــــــــــم ،،،،، انشد ولاعنــــــــــــــي نهار تكشّم
ولاتظنـــــــي عنـك غشيم تغشم ،،،،، روحــــــك وهي موناقصه يكفيها
عيني اللي شـوقك ضراها هشم ،،،،، فى وين تمشـــي فى الخيال تجيها
تو تجـــــــــــــــــــــــــــــــرّب ،،،،، شوقك اللــــي شرّق معاي وغرّب
وتعرف عليْ قداش مره خـرّب ،،،،، وقـداش بسمه م الشفا لاغيــــــــها
يمكن بعـــدها يفك ياس مزرّب ،،،،، ع العين بعد حقـوقها تعطيــــــــها
منقول