أهالي بــــرقة يرفضون تسمية المنطقة الشرقية، ويطالبون بالإسم

ما زالت برقة هي برقة ........ و سيظل هذا اسمها...

برقه برقه برقه برقه

المجلس امغير متحشم فيها لو كان ايحصل من سرت لعند امساعد ايبيعها اويعطيها لمصر او السودان كيف ما باع الجنوب للتبو التشادية والله الي ايصير كارثه

برقسسسسسسسسة بسسسرق * * * *
من طرف عوض الشلمانى في 2012-02-17, 7:06 pm

برقة برق يشكع في رعود ** برقة قو ماتعرف اللين
برقة سيل يجرف في السدود ** برقة نار علي معتدين
برقة قول يا قرد القرود ** برقة وين تدخلها أمنين
برقة راهي يا أبناخي اليهود ** فيها ناس ماهم ساهلين
برقة حيه يا فيها أسود ** هرير الغبر دايرلك ونين
برقة وين يزاقة برود ** إيجوه أرجال شوره جاردين
برقة كون في حكمك تعود ** لا والله يا كابت الدين
برقة صقور في صيفة جنود ** عزل جوك ماهم خايفين
برقة هذي ياطيح السعود ** إيردوا الكاط هلها بالثنين
برقة هذي هي منبع الجود ** هلها ناس هم قمة الزين
برقة هذي ماترضى قيود ** في الطليان دارت بصر شين
برقة هذي كم جوها أوحود ** محتلين ردوا خاسرين
برقة هذي هي رمز الصمود ** وين العين ماتحقر العين
برقة هذي ميراث الجدود ** ونحنا فيه موش أمسلميــن

عوض الشلمانى
رئيس عرفاء


الجنسية : ليبيا

عدد المشاركات: 111
العمر: 52
قوة التقييم: 0
تاريخ التسجيل: 23/04/2010

احذفوة راهو ايقولو عليكم انتو الي سببتو في تقسيم ليبيا يا جهويين

شني الي نحذفوه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اي موضوع يحكي علي برقه او المنطقه الشرقيه او اي حقوقك او اي مشاكل او اي فضائح علي المجلس

خليهم يقولوا يالافي... سدنا صمت و الله حديث يقهر...

حتى في "بعض" الجبهات الغربية!!!!!! ناكرين فضل برقة

و ما زالت الدولة مركزية

و ما زالت قضية اللواء في الأدراج

و مصراتة لزت تاورغاء و قاعدة بنغازي تعاني

لعند امتى بس !!!!!
اللــــــــــــــــــــــــــــــــــــــــه المستعان..

ماهو لو طالبت بحق ايقولك انت تبي تقسيم ليبيا
كيف تصرف موش عارف
اتكلم علي اللواء ايقولك انت قبلي
في قضيه عبدالفتاح طلعنا اعتصام عند تيبستي وطالبنا وقلنا كيف صار في التحقيق لا اكثر ولا اقل قالو انتو قبلية وانت جهويه هما لو جو بس حتي من الزنتان جو وجو من مصراته ومن الجبل الغربي ومن سبها
قالو لا لا الي ايتكلم علي قضيه عبدالفتاح قبلي

يقول السياسي والسجين السابق المرحوم المبروك الزول :

" يا عون من جاه الخبر من شرقه ... وقالوا على الملعون ناضت برقه

وهذا ما حصل بالفعل ...برقة ليست كلمة نستحي ذكرها وليست مدعاةً

للإنفصال أبدا ..إنها ربيع ليبيا على مر العصور وضد كل الطغاة .

هم هاضوم تريس البرقه واللي تنزل ماعد ترقا

برقه برقه برقه برقه

ياحجاج انحج امعاكم

شعيب كتب:يقول السياسي والسجين السابق المرحوم المبروك الزول :

" يا عون من جاه الخبر من شرقه ... وقالوا على الملعون ناضت برقه

وهذا ما حصل بالفعل ...برقة ليست كلمة نستحي ذكرها وليست مدعاةً

للإنفصال أبدا ..إنها ربيع ليبيا على مر العصور وضد كل الطغاة .

الله أكبر الله أكبر الله أكبر

تحية لكل ليبي يحب مدينته ويعتز بأمجادها وجهادها ويدافع عليها ويحافظ على أمنها ونظامها ونظافتها ويغير عليها "ويبيها ديما بارزة"....ياخوتي الغيرة الشريفة تؤدي الي التنافس الشريف المثمر,وهذا ماأتوسمه فيكم جميعا..فعلى بركة الله

انا احب البيضاء؟ اذاً انا جهوي! فمرحباً بالجهويه

اى برقه نحن شرق ليبيا ولاداعى لتسميات الغرض منها الفتنه
وهذا كان احد اساليب الطاغيه المقبور
ليبيا وحده وطنيه